• $
  • €
  • ₽
  • ₺
  • £

""Parkovşik"lər bildirirlər ki, onlardan gündəlik toplanan 50-80 manat polis rəislərinə çatır"

""Parkovşik"lər bildirirlər ki, onlardan gündəlik toplanan 50-80 manat polis rəislərinə çatır"
29.08.2022 17:20
Yollarda hər 20-30 metrlik hissələrə səpələnərək avtomobili park edən kimi yaxınlaşan və pul istəyən şəxslərin bir çoxu bildirirlər ki, onlardan gündəlik olaraq 50-80 manat toplanaraq həmin rayonun polis rəislərinə çatdırılır. Bunu ictimai fəal Bəxtiyar Hacıyev sosial şəbəkə hesabındakı paylaşımında yazıb.

"Hörmətli Vilayət müəllimdən (daxili işlər naziri Vilayət Eyvazov - red.) xahiş edirəm, bu iddianı araşdırsın, ictimaiyyətə məlumat versin, əgər doğrudan da parkinq sahələrinə nəzarət edən şəxslər polis rəislərinə ödəniş etmirlərsə, o zaman bu ödənişlərin kimlərə getməsini araşdırsın, bizə bildirsin. Hər halda möhtərəm cənab Prezidentimizin illər əvvəl belə qanunsuz parkinq yığımlarına etiraz etməsindən sonra hələ də bu pulların hara, kimə getməsini araşdırmış olarsınız”, - paylaşımda bildirilib.

Bəxtiyar Hacıyev paylaşımında pul yığımı ilə əlaqədar başqa iddialar da səsləndirib.
 

"Bir də böyük rayon və şəhərlərdən (ən azından Gəncə, Yevlax) Bakıya mütəmadi sərnişin daşıyan nəqliyyat vasitələrindən, həmin rayonların polisləri (PPX əməkdaşları) hər reys üçün bir neçə manat toplayırlar. Bu barədə foto, video, audio yazıları da var. Bunu da araşdırıb, ictimaiyyətə məlumat verməyinizi xahiş edirəm”.

İctimai fəal növbəti paylaşımında Daxili İşlər Nazirliyinin Mətbuat xidmətinin rəisi Ehsan Zahidovun onunla əlaqə saxladığını bildirib:

"DİN-in Mətbuat Xidmətinin rəisi Ehsan Zahidov zəng etmişdi. Bildirdi ki, avtomobillərin qadağan olunmayan yerlərdə parkinq edilməsinə görə ayrı-ayrı adamlar tərəfindən toplanan vəsaitdən rayon polis rəislərinə gündəlik plan verilməsi barədə yazdıqlarım rəhbərlik tərəfindən dərhal nəzarətə götürülüb və araşdırma başladılıb. Əgər faktlar varsa, DİN-ə təqdim etməyimi xahiş etdi.

Mən də bu məlumatları toplayıb, təqdim edəcəyimi bildirdim. Qeyd etdim ki, DİN-in əlində belə məlumatları toplamağa və araşdırmağa imkanlar daha çoxdur.

Hər halda ayrı-ayrı şəxslər çörək pulu üçün gün altında 8-10 saat dayanırsa, onlara ödəniş etməkdə problem görmürəm. Amma onlar 8-10 saat gün altında işlədikdən sonra topladıqları pulların 50-80 manatı hansısa rəisin villa tikməsi üçün əllərindən alınırsa, belə ödənişlər etməkdən imtina edirəm.

Gözləyək, DİN-in araşdırma nəticəsində formasız, vəsiqəsiz, şəhərin hər küncünü tutmuş şəxslərin kimə gündəlik plan verdiklərini öyrənərik”.
www.anews.az
Twitter
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol