• $
  • €
  • ₽
  • ₺
  • £

Ermənilər Azərbaycan əsirlərini zorla işlədib, sonra edam ediblər - AÇIQLAMA/FOTO

Ermənilər Azərbaycan əsirlərini zorla işlədib, sonra edam ediblər - AÇIQLAMA/FOTO
05.10.2022 14:24
Azərbaycanın Xocavənd rayonunun Edilli kəndində I Qarabağ müharibəsi qurbanlarının kütləvi məzarları tapılıb. Bu barədə  Azərbaycan Səhiyyə Nazirliyinin Tibbi Müayinə və Patoloji Anatomiya Birliyinin Məhkəmə Ekspertizası şöbəsinin müdiri Nuranə Hüseynova məlumat verilib.
 

 
Sentyabrın 14-dən 28-dək aparılan axtarışlar zamanı bu kəndin yaxınlığında üç məzar yeri aşkar edilib.

İkisində altı nəfərin, birində isə ötən əsrin 1990-cı illərində ermənilər tərəfindən öldürülmüş 12 Azərbaycan əsgərinin kütləvi məzarlığı tapılıb.

"Həmin şəxslər hansı şəraitdə öldürülüb , məzar başında güllələnib, yoxsa başqa yerdə öldürülüb və sonra bura gətirilib bilinmir. Bütün bunlar aparılacaq  müvafiq ekspertiza nəticəsində bəlli olacaq" -  Hüseynova deyib.
 

 
 
Azərbaycan Səhiyyə Nazirliyinin Tibbi Müayinə və Patoloji Anatomiya Birliyinin direktoru  Ədalət Həsənovun sözlərin görə, məzarları  2022-ci ilin fevralında aşkarlanan şəxslərlə bağlı məhkəmə tibbi ekspertizası artıq başa çatıb və bir neçə aydan sonra onlar barədə ailə üzlərinə məlumat veriləcək. 
 
 

 
"Bu çətin prosesdir. Eksperizadan sonra onların DNA-ı ailə bazada olan itkin düşənlərin DNA-i ilə tutuşdurulmalı və şəxsiyyətləri müəyyən edilməlidir. Birinci Qarabağ müharibəsindən sonra 200-dən çox naməlum insan  meyidi aşkarlanıb. Bunların hər birinin eksqumasiyası aparılıb və DNA nümunələri götürülüb" - Həsənov deyib. 
 
 Dəfn yerindən tapılan paltar, ayaqqabı, əsgər kəmərlərinin döş nişanları və digər ordu ləvazimatlarının elementləri ölənlərin əsgər olduğunu göstərir.

Həsənov həmçinin xatırladıb ki, hələ 2022-ci ilin fevralında Edillidə mülki vətəndaş olduğu ehtimal edilən yeddi nəfərin skeleti tapılıb.

Azərbaycanın Əsir və itkin düşmüş, girov götürülmüş vətəndaşlarla iş üzrə Dövlət Komissiyasının əməkdaşı Namiq Əfəndiyevin sözlərinə görə,  Edillidə dəfnlərin axtarışı 1990-cı illərdə sağ qalan əsir və girovların şahid ifadələri əsasında başlayıb.
 



"Şahidlərin ifadələri və digər məlumatlar əsasında müəyyən edilib ki, girov və hərbi əsirlər Edilliyə ətraf rayonlardan gətirilib. Burada paylama məntəqəsi olub, oradan məhbuslar daha sonra başqa yerlərə göndərilib", - Namiq Əfəndiyev deyib.
 
Komissiya rəsmisi həmçinin bildirib ki, əsirlərin bəziləri Edilliyə gətirilərək məcburi əməyə cəlb olunub. Xüsusilə, girovlar və əsirlər dağıdılmış azərbaycanlı yaşayış məntəqələrindən daşlarla kəndin yolunu asfaltlamağa məcbur ediliblər.
 

 
Beynəlxalq Qızıl Xaç Komitəsinin ictimaiyyətlə əlaqələr bölümünün rəhbəri İlahə  Hüseynovanın sözlərinə görə, Qarabağ münaqişəsi nəticəsində ümumilikdə 4500 nəfər itkin düşüb, onlardan 3800 nəfəri Azərbaycan vətəndaşıdır. 
 

 
"Biz Azərbaycan hökumətinə məzarlıqların  tapılması və onların şəxsiyyətinin identifikasiyası üçün hər cür köməklik edirik. İtkin düşənlər barədə mlumatlar onların qohumlarının müraciəti əsasında toplanır və sayı müəyyən edilir. Hər itkin düənin 3 qohumundan DNA nümunəsi götürülüb ki, bunlar daha sonra tapılan insan skeletlərinin DNA-ı ilə tutuşdurulacaq və insan cəsədinin qalıqları ailələrə təhvil veriləcək",  - Hüseynova bildirib.  

2020-ci ilin 44 günlük müharibəsindən sonra artıq Şuşa, Kəlbəcər rayonlarında, Fərrux dağında və digərlərində azərbaycanlıların bir neçə kütləvi məzarlığı aşkar edilib.
 
Aytac Zeynalova
Fotolar müəllifindir
www.anews.az
Instagram
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol