• $
  • €
  • ₽
  • ₺
  • £

Qadın fermerlərin iştirakı ilə görüş keçirilib

Qadın fermerlərin iştirakı ilə görüş keçirilib
31.10.2022 19:00
"Aqrar Sahədə Qadınların İqtisadi Güclərinin Artırılması - WEP” layihəsi çərçivəsində panel görüş keçirilib. Tədbirdə müxtəlif dövlət qurumları, BMT-nin Ərzaq və Kənd Təsərrüfatı Təşkilatının rəhbər şəxsləri və nümayəndələri, eləcə də qadın fermerlər iştirak edib.
 
Tədbiri giriş sözü ilə açan kənd təsərrüfatı nazirinin müavini İlhamə Qədimova bildirib ki, aqrar sektorda məhsuldarlığın yüksəldilməsi, qadınların aqrar sektorda məşğulluq səviyyəsinin artırılması layihənin əsas məqsədlərindəndir: "WEP-in dayanıqlılığını və davamlılığını təmin etmək üçün növbəti mərhələdə də dövlət qurumlarının sıx əməkdaşlığı ilə qadınların aqrar sahədəki fəaliyyəti kompleks yanaşma ilə dəstəklənəcək. Kənd Təsərrüfatı Nazirliyi olaraq həm beynəlxalq, həm də yerli qurumlarla birgə əməkdaşlıqla qadınların aqrar sahədə iqtisadi gücünün artırılmasında maraqlıyıq. Bu, bizim gələcək fəaliyyət istiqamətlərimizdən birini təşkil edir”.
 
BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə Ofisi rəhbərinin müavini Bariz Mehdiyev "WEP” layihəsinin icrası ilə əlaqədar müxtəlif dövlət qurumları ilə əməkdaşlıq nəticəsində bu layihənin uğurla  icra olunduğunu qeyd edib. Milli Məclisin Ailə, qadın və uşaq məsələləri komitəsinin sədri Hicran Hüseynova isə öz növbəsində bildirib ki, layihə qadınların ictimai həyatda rolunun artırılması, gender bərəbərliyinin qorunması, qadın fermerlərin, sahibkarların və qadın liderlərin dayanıqlı kənd təsərrüfatı və ərzaq təhlükəsizliyi sistemlərinin yaradılmasında iştirakının yüksəldilməsi baxımından mühüm rol oynayır. Azərbaycan Respublikasının Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova aqrar sektorda qadınların fəallığının artırılmasının kənd təsərrüfatı sahəsinin inkişafına mühüm töhfələr verəcəyinə əminliyini ifadə edib.
 
Qadın sahibkarların daha çox fəaliyyət göstərdiyi sahələrdən birinin aqrar sektor olduğunu deyən Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov bildirib ki, günü-gündən ölkəmizdə qadın sahibkarlığının çəkisi artmaqdadır. KOBİA rəhbəri qadın sahibkarlığının müxtəlif sahələrdə, o cümlədən aqrar sektorda inkişafının təşviq edilməsi, kiçik və orta sahibkarlar arasında qadınların sayının daha da artırılması istiqamətində görülən tədbirlər barədə məlumat verib.
 
Dövlət Məşğulluq Agentliyinin İdarə Heyətinin sədri Mustafa Abbasbəyli regionlarda məşğulluğun təmin olunmasında kənd təsərrüfatı sahəsinin mühüm rol oynadığını qeyd edərək qadınların fərqli peşələrə yiyələnməsinin və əmək bazarına uyğunlaşmasının vacibliyinə diqqət çəkib.
 
Tədbirdə çıxış edən Gənclər Fondunun icraçı direktorunun müavini Orxan Ərəbov öz növbəsində aqrar sektorda qadınların iştirak səviyyəsinin artırılması, regionlarda qadın sahibkarlığının genişləndirilməsi işinə dəstək göstərməyə hazır olduqlarını vurğulayıb. Aqrar Kredit və İnkişaf Agentliyinin sədr müavini, WEP layihəsi üzrə milli koordinator Leyla Cabbarlı "WEP” layihəsi çərçivəsində görülən işlərə toxunub, layihənin dayanıqlılığının və davamlılığının təmin edilməsi istiqamətində nəzərdə tutulan tədbirlər barədə təqdimatla çıxış edib.
 
Görüş panel müzakirələrlə davam etdirilib.

www.anews.az
Telegram
Keçid et
Oxşar xəbərlər
Oxşar xəbərlər
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Anews TV

Rəsmi Youtube kanalımız

Abunə ol