• $
  • €
  • ₽
  • ₺
  • £

Şuşada çox olmuşam - Arif Hacılıdan Zahid Oruca cavab

Şuşada  çox olmuşam - Arif Hacılıdan Zahid Oruca cavab
23.11.2022 17:09
 "Siyasi partiyalar haqqında" qanun layihəsinin Milli Məclisin 3 komitəsində keçirilən müzakirələrində və buna qədər baş tutan dinləmələrdə ölkənin çoxsaylı müxalifət partiyalarının təmsilçiləri iştirak etməyib. 
 
 Milli Məclisin İnsan hüquqları Komitəsinin sədri, millət vəkili  Zahid Oruc jurnalistlərin  "AXCP və Müsavat partiyası təmsilçiləri ilə qanun layihəsi ilə bağlı  hər hansı təması, müzakirələri mümkün sayırsınızmı?" sualına cavabında bildirib ki, "görüş üçün heç bir problem yoxdur".

"Xaricə getmək üçün pasportları olmasa da, daxildə hərəkət edə bilirlər. Daxildə hərəkət üçün pasport tələb olunmur. Məsələn, Əli Kərimli, Arif Hacılı Şuşada olubmu? Biz qanun layihəsinin müzakirəsi zamanı həmrəyliyi pozmamaq üçün qətiyyən demədik ki, bu torpaqlar 90-cı illərdə kimin ucbatından, günahından itirilib. Mən öz subyektiv fikrim olaraq bildirirəm ki, görüş üçün heç bir problem yoxdur”, - Zahid Oruc deyib.

"Musavat” partiyasının başkanı Arif Hacılı Zahid Orucun cavabına münasibət olaraq anews.az-a açıqlamasında bildirib ki, o Şuşada dəfələrlə olub.

"Şuşa hər tərəfdən düşmən həmlələri altında olanda da, işğaldan azad olunandan sonra da dəfələrlə Şuşada olmuşam. "Siyasi partiyalar haqqında” qanunun müzakirəsinə gəlincə isə "Musavat" partiyası bu müzakirələrə dəvət olunmayıb. 

AXCP partiyasının sədri Əli Kərimlidən isə məsələyə münasibət ala bilmədik. Ona dəfələrlə zəng etməyimizə baxmayaraq partiya rəhbəri zənglərimizə  cavab vermədi.

Əli Kərimlinin müavini Seymur Həzi isə bildirib ki, nə zaman azad olunmuş ərazilərə gediş gəliş hər kəsə rahat şəkildə açılsa biz də o zaman gedəcəyik. 

"Partiya olaraq mövqeyimiz bundan ibarətdir ki, azad olunmuş zonalar vətəndaşların üzünə tur şəklində  təqdim olunmamalı,  vətəndaşlar həmin bölgələrə turist kimi getməməlidir. Əgər getmək mümkündürsə bu hamıya eyni cür tətbiq olunmalıdır. Şuşaya turist kimi getmək absurddur. Hesab edirik ki, bu şəhidlərin qanına hörmətsizlikdir. Nə zaman bu siyasət dəyişər, biz də torpaqlarımızı ziyarət edərik”, - Seymur Həzi vurğulayıb.

"Siyasi partiyalar haqqında" qanun  layihəsinin 15 maddəsinə 45 dəyişiklik edilib. 

Komitə üzvləri qanun layihəsinə I oxunuşda səs veriblər. Təkcə REAL partiyasının üzvü Erkin Qədirli bu qanun layihəsinin əleyhinə səs verəcəyini bildirib.
 
Gülnar Nazimqızı

www.anews.az
Telegram
Keçid et
Oxşar xəbərlər
Oxşar xəbərlər
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Anews TV

Rəsmi Youtube kanalımız

Abunə ol