• $
  • €
  • ₽
  • ₺
  • £

Xankəndində yaşayan ermənilər ərzaq qıtlığının 26-cı günündə olduqlarını bildiriblər

Xankəndində yaşayan ermənilər ərzaq qıtlığının 26-cı günündə olduqlarını bildiriblər
06.01.2023 14:57
Xankəndində yaşayan ermənilər  Laçın yolunun bağlı olmasına görə 26 gündür şəhərdə ərzaq tapmadıqlarını bildirirlər.

Bu barədə BBC News məlumat verir

"Mağazalar boşdur, şəhərdə heç bir meyvə və ya tərəvəz tapa bilmirsən. Əsas dərmanlarda da vəziyyət eynidir", - Xankəndidə yaşayan Marut Vanyan deyib.
O bildirib ki, Xankəndi və onu əhatə edən kəndlərə bütün tədarüklər dayanıb, çünki 26 gündür ki, yeganə yol blokadadır.

"Mən şəhəri qidalandıran əsas bazarın düz yanında yaşayıram və o, bir müddətdir bağlanıb, orada qurudulmuş kəklikotu satan yalnız iki xanım var", - Vanyan adlı jurnalist BBC-yə belə məlumat verib.

Etnik ermənilərin yaşadığı ərazilərə ərzaq, tibbi ləvazimat və insanların yeganə marşrutu Laçın dəhlizi kimi tanınan yoldur. O, Qarabağla Ermənistan Respublikası arasında yeganə əlaqədir.

Dörd həftəyə yaxındır ki, Şuşa şəhərinin kənarında çadırlar quran azərbaycanlı etirazçılar tərəfindən yol bağlanıb. Xankəndiyə baxan bu şəhər 2020-ci ildə regiona nəzarət etmək üçün Ermənistanla müharibədə Azərbaycan tərəfindən geri alınıb.

"Özlərini ekoloji fəal kimi təqdim edən etirazçılar Qarabağ daxilindəki mədən sahələrinə giriş tələb edirlər”, - BBC yazıb.
 
Dekabrın 12-dən başlayaraq bir qrup azərbaycanlı ekoloq Rusiya sülhməramlılarının yerləşdirildiyi ərazidə faydalı yataqların qanunsuz istismarı əleyhinə etiraz aksiyasına başlanılıb. Həmin müddətdə ermənilər azərbaycanlı ekoloqların aksiyasına etiraz olaraq iki dəfə aksiya keçirib. Onların aksiya keçirməsində əsas səbəb Laçın dəhlizinin bağlı olmasına görə ərzaq, yanacaq və digər ehtiyaclardan məhrum olmaq olub.  
 
Bu müddətdə bir sıra beynəlxalq təşkilatlar Azərbaycan tərəfini yolu açmağa çağırıb. 
 
Azərbaycan hökuməti "Laçın dəhlizi”nin Rusiya sülhməramlı qüvvələrinin nəzarəti altında olduğunu vurğulayaraq, Ermənistanın iddialarını təkzib edib.
 
Rəsmi Bakı bildirib ki, Rusiya sülhməramlılarının nəzarətindəki ərazidə keçirilən aksiya siyasi deyil, ekoloji məqsəd daşıyır və Azərbaycan tərəfi həmin ərazilərdə yaşayan erməni əhalisinə istənilən dəstəyi göstərməyə hazırdır. 
 
Lida Abbaslı 
www.anews.az
Youtube
Keçid et
Oxşar xəbərlər
Oxşar xəbərlər
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Anews TV

Rəsmi Youtube kanalımız

Abunə ol