• $
  • €
  • ₽
  • ₺
  • £

Quru sərhədlər niyə açılmır? - ŞƏRH

Quru sərhədlər niyə açılmır? - ŞƏRH
03.07.2023 19:17
İyunun 6-da Azərbaycanda xüsusi karantin rejiminin oktyabrın 2-dək uzadılması haqqında Azərbaycanın Baş naziri Əli Əsədov qərar imzalayıb. Bu da o deməkdir ki, ölkənin quru sərhədləri oktyabrın 2-dək bağlı olacaq.
 

Bundan əvvəl bu müddət 1 iyula qədər nəzərdə tutulmuşdu.
 
ÜST mayın 5-də COVID-19-la bağlı fövqəladə vəziyyətin başa çatdığını elan edib. Amma buna baxmayaraq hələ də Azərbaycanda quru sərhədlər bağlıdır.
 
Millət vəkili Fazil Mustafa pandemiyanı əsas götürərək sərhədlərin bağlanmasını məntiqli hesab etmir.
 
"Hesab edirəm ki, burada təhlükəsizlik səbəbindən sərhədlərin bağlanması nəzərdə tutula bilər. Hər-halda bir virus, hansısa bir təhlükə riski olduğu barədə də müəyyən narahatçılıqlar da ola bilər. İstənilən halda bu barədə məlumat verilməlidir. Çünki vətəndaşlar bu barədə bizə kifayət qədər suallar ünvanlayır və bizdə bu suallara cavab verməkdə çətinlik çəkirik. Bütün hallarda pandemiya dövrü artıq arxada qalıb və pandemiyanı əsas götürərək sərhədlərin bağlanmasını məntiqli hesab etmirəm. Minlərlə insan bundan əziyyət çəkir.Hökumət bu istiqamətdə konkret insanların vəziyyətini yungülləşdirmək üçün təcili addımlar atmalıdır”, - deputat deyib.
 
Azərbaycan Xalq Cəbhəsi Partiyasının sədr müavini Seymur Həzi sərhədlərin bağlı olmasını siyasi məsələlərlə əlaqələndirir.
 
"Quru sərhədlərin bağlı olması siyasi məsələ olmaqla yanaşı, hökumətin ölkəni qapalı saxlamaq cəhdlərinin nəticəsidir. Azərbaycan hökuməti ölkəni Şimali Koreya və Türkmənistana çevirmək istəyir və bunun da metodlarından biri sərhədləri bağlamaqdır. Pandemiya səbəbindən heç bir ölkənin sərhədləri bağlı deyil. Ona görə də bu əsaslar yersizdir. Təhlükəsizlik baxımından da sərhədlərin bağlanması məntiqə uyğun deyil, çünki təyyarə ilə sərhəd və yükdaşımalar açıqdır. Sadə vətəndaşın pasportlarını təqdim edərək ölkəyə girib-çıxmasının təhlükə olması heç bir məntiqə uyğun deyil. Ona görə də bütün bunlar yersiz və inandırıcı olmayan əsaslardır”, - o bildirib.
 
COVID-19 pandemiyası ilə əlaqədar Azərbaycanda xüsusi karantin rejimi 2020-ci ilin martından etibarən tətbiq edilir.

Həmin ilin aprelindən isə ölkədə bir sıra qapanmalarla yanaşı, Azərbaycanın quru sərhədləri də bağlanıb. Hazırda pandemiya ilə bağlı məhdudiyyətlər aradan qaldırılsa da, sərhəd 3 ildir ki, bağlıdır.
 
Eltac Nurullazadə

www.anews.az
Youtube
Keçid et
Oxşar xəbərlər
Oxşar xəbərlər
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Bakıda evdən 4 min manat oğurlanıb, şübhəli saxlanılıb
Cəmiyyət 14:05
Bakıda evdən 4 min manat oğurlanıb, şübhəli saxlanılıb
Sabahın hava proqnozu
Cəmiyyət 13:43
Sabahın hava proqnozu
Sumqayıtda azyaşlı dəm qazından boğulub
Cəmiyyət 11:27
Sumqayıtda azyaşlı dəm qazından boğulub
BDYPİ sürücülərə həftəsonu səfərləri ilə bağlı xəbərdarlıq edib
Cəmiyyət 10:57
BDYPİ sürücülərə həftəsonu səfərləri ilə bağlı xəbərdarlıq edib
Anews TV

Rəsmi Youtube kanalımız

Abunə ol