• $
  • €
  • ₽
  • ₺
  • £

Azərbaycanın müasir seysmoloji xəritəsi niyə yoxdur?

Azərbaycanın müasir seysmoloji xəritəsi niyə yoxdur?
05.07.2023 18:36
Azərbaycanın seysmoloji xidməti tərəfindən ölkənin müasir tələblərə cavab verən seysmoloji xəritəsi hazırlanmayıb. Bunu ekoloq Telman Zeynalov bildirib. 

"Azərbaycanda elmi məhv ediblər. Bu yaxınlarda prezidentin sərəncamı ilə bütün elmi ocaqları özünümaliyyələşdirmə sisteminə keçirilib. Çox maraqlıdır ki, bunları kim maliyyələşdirəcək. Müasir tələblərə cavab verən seysmoloji xəritələrin hazırlanması seysmoloji xidmət tərəfindən həyata keçirilir. Bunu da həyata keçirmək üçün avadanlıqlar olmalıdır və onların vasitəsi ilə yerin səthi, həmçinin dənizin dibi öyrənilməlidir. Bu avadanlıqlarda onların əlində yoxdur. Ona görə hələ də bu xəritələr hazırlanmayıb. Bu avadanlıqları da almaq üçün dövlət tərəfindən maliyyə ayrılmalıdır. Amma çox təəssüf ki, bu maliyyə ayrılmır, yalnız kommersiyaya pul ayrılır. Bu avadanlıqlar olmadığına görə, bakıda tikilən binalara seysmoloji xidmət tərəfindən əvvəlcədən verilən rəylər də mənasızdır. Bu da onu deməyə imkan verir ki, Bakıda tikilən binalar güclü zəlzələyə hazır deyil. Hal-hazırda Azərbaycan güclü zəlzələ zonasındadır, çünki Qafqaz dağları ən cavan dağlardır və hələ tam formalaşmayıblar. Ona görə də orada istənilən vaxt zəlzələ baş verə bilər”, - seysmoloq bildirib.
 
Seysmoloq Ənvər Əliyev isə indiki vaxtda müasir xəritənin hazırlanmasını mümkünsüz hesab edir.
 
"Əslində yeni xəritə hazırlanıb,  amma məsələ burasındadır ki, o xəritə biraz əvvələ aid xəritədir. Əgər bir ölkənin ərazisinin 20 faizi nəzarətsiz qalıbsa, onun mükəmməl və müasir tələblərə uyğun xəritəsini hazırlamaq mümkün deyil. Çünki, o xəritəni tərtib etmək üçün orada mütləq seysmoloji stansiyalar quraşdırılmalıdır ki, mükəmməl informasiya əldə etmək mümkün olsun. Amma təəssüf ki, bu hələ mümkün deyil. Məndə olan məlumatlara görə bu işi həyata keçirmək üçün cihazlar alınıb. Amma bizim ərazilərimiz tam nəzarətə keçməsə və orada mükəmməl seysmoloji stansiyalar quraşdırılmasa, tələb olunan yüksək səviyyəli xəritəni hazırlamaq çətin olacaq. Xəritə aparılmış tədqiqatların nəticəsində yaranır. Yəni tədqiqat nə qədər mükəmməl olarsa, xəritədə bir o qədər keyfiyyətli olur. Azərbaycanda tikilən binaların konstrukiyasında, məsafələrin qorunmasında,  və digər detallar da dünya standartlarına, iri şəhərlərin şəhərsalma qaydalarına uyğun olsa, istənilən zəlzələdən heç bir dağıntısız və ziyansız çıxmaq olar. Xüsusilədə Bakı kimi güclü seysmik zonada olmayan şəhərdə bunu rahatlıqla söyləmək olar. Hal-hazırda son xəritədə də göründüyü kimi bakı güclü zəlzələ zonasında yerləşmir. Ümumiyyətlə Bakı şəhəri aktiv və dağıdıcı, eyni zamanda həddindən çox insan tələfatına səbəb olan zəlzələlərin siyahısında yoxdur”, - o vurğulayıb.
 
AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli də Xəzər dənizində baş vermiş zəlzələyə dair keçirilən mətbuat konfransında bildirib ki, Azərbaycanın müasir tələblərə cavab verən seysmoloji xəritəsi yoxdur. 
 
Onun sözlərinə görə, Azərbaycanda bu xəritə ən son 1957-ci ildə olub.
 
Bu xəritənin hazırlanması iyulun 4-də saat 00:01-də Xəzər dənizində yerin 20 km dərinliydə maqnitudası 5.7 bala bərabər zəlzələ baş verəndən sonra aktuallaşıb.  

Avropa Aralıq dənizi Seysmoloji Mərkəzinin məlumatında bildirilir ki, təkanların episentri Xaçmaz rayonunun 80 kilometrliyində olub.
 
Yeraltı təkanlar Azərbaycanın bir sıra rayonlarında, o cümlədən paytaxt Bakıda hiss olunub. 
 
Fövqəladə Hallar Nazirliyi zəlzələ ilə əlaqədar olaraq hər-hansı bir dağıntı və təlafatın olmadığını bildirib.
 
Eltac Nurullazadə 


www.anews.az
Twitter
Keçid et
Oxşar xəbərlər
Oxşar xəbərlər
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Bakıda evdən 4 min manat oğurlanıb, şübhəli saxlanılıb
Cəmiyyət 14:05
Bakıda evdən 4 min manat oğurlanıb, şübhəli saxlanılıb
Sabahın hava proqnozu
Cəmiyyət 13:43
Sabahın hava proqnozu
Sumqayıtda azyaşlı dəm qazından boğulub
Cəmiyyət 11:27
Sumqayıtda azyaşlı dəm qazından boğulub
BDYPİ sürücülərə həftəsonu səfərləri ilə bağlı xəbərdarlıq edib
Cəmiyyət 10:57
BDYPİ sürücülərə həftəsonu səfərləri ilə bağlı xəbərdarlıq edib
Anews TV

Rəsmi Youtube kanalımız

Abunə ol