Qanunsuz ağac kəsmə nəticəsində 1.5 milyon manat ziyan ödənilib- Prokurorluq

Cari ilin birinci yarısında Baş Prokurorluğun Cinayət təqibindən kənar icraatlar idarəsi tərəfindən qanunsuz ağac kəsmə nəticəsində dəymiş 1.5 milyon manat ziyan ödənilib.
Bunu Baş Prokurorluğun Ekologiya və Təbii Sərvətlər Nazirliyi ilə birgə keçirdiyi "Ekologiyanın mühafizəsi" ilə bağlı birgə mətbuat konfransında Prokurorluğun Cinayət təqibindən kənar icraatlar idarəsinin rəisi Elnur Musayev deyib.
"2023-cü ildə ağackəsmə ilə bağlı 7 vəzifəli şəxs barəsində cinayət işi başlanıb. 2022-ci ildə isə vəzifəli şəxslərin səhlənkarlığı nəticəsində 84 cinayət işi açılıb",- idarə rəisi bildirib.
O bildirib ki, həmin ziyanın ödənilməsi və ətraf mühitin qorunması istiqamətində kompleks işlər aparılır.
Aytac
www.anews.az
























