• $
  • €
  • ₽
  • ₺
  • £

Wolt Azərbaycanda fəaliyyətini məhdudlaşdırıbmı?

Wolt Azərbaycanda fəaliyyətini məhdudlaşdırıbmı?
15.08.2023 17:05
Avqustun 14-ü "Wolt Azərbaycan” Məhdud Məsuliyyətli Cəmiyyətinin fəaliyyətinin dayandırılması ilə bağlı məhdudlaşdırıcı qərarın təkrar tətbiqi barədə qərar qəbul edilib. Bu barədə Azərbaycan Respublikasının Qida Təhlükəsizliyi Agentliyi məlumat yayıb.
 
AQTA-dan bildirilib ki, aşkarlanmış nöqsanlarla əlaqədar sözügedən müəssisə tərəfindən qida məhsullarının çatdırılması fəaliyyətinin dayandırılması, ilkin və dövri tibbi müayinədən keçməyən şəxslərin müəssisədən kənarlaşdırılması ilə bağlı məhdudlaşdırıcı tədbirlərin tətbiqi barədə qərar qəbul edilib. Eyni zamanda, MMC-nin məsul şəxsi barəsində müvafiq tədbir görülüb. Daha sonra isə qəbul edilmiş qərarın icra vəziyyətinin yoxlanılması ilə əlaqədar "Volt Azərbaycan” MMC-də plandankənar yoxlama keçirilib. Yoxlama zamanı şirkət tərəfindən nöqsanların aradan qaldırılmadığı, həmçinin fəaliyyətinin dayandırılmasına baxmayaraq, fəaliyyət göstərdiyi müəyyən olunub.
 
Bununla əlaqədar, qanunvericiliyin tələblərinə uyğun olaraq, həmin müəssisənin fəaliyyətinin dayandırılması ilə bağlı məhdudlaşdırıcı qərarın təkrar tətbiqi barədə qərar qəbul edilib. Eyni zamanda, tələblər yerinə yetirilmədiyinə görə cəmiyyətin məsul şəxsi barəsində müvafiq tədbir görülüb.

AQTA tərəfindən MMC-nin fəaliyyətinin məhdudlaşdırılması ilə bağlı qərar verilsə də, şirkətin əməkdaşları heç bir məhdudiyyətin olmadığını və fəaliyyətlərinə davam ettiklərini bildirirlər.

Məsələ ilə bağlı  Wolt MMC-nin əməkdaşları ilə əlaqə saxlamağa çalışdıq.
 
Şirkətin əməkdaşı Heydər İbrahimov bildirir ki, heç bir məhdudiyyət tətbiq olunmayıb və şirkət normal qaydada fəaliyyətini davam etdirir.

"Şirkətin fəaliyyətinin dayandırılması ilə bağlı xəbəri dünən eşitdik. Belə bir şey olsa, əvvəlcədən proqram vasitəsi ilə əməkdaşlara məlumat verilərdi. Bu gün şirkət tərəfindən əməkdaşlara bildiriş göndərilib. Bildirişdə qeyd olunur ki, "Wolt Azərbaycan MMC”-nin bağlanması ilə bağlı yayılmış xəbərlər yanlışdır və şirkət fəaliyyətini normal şəkildə davam etdirir”.

Məsələyə münasibət bildirmək üçün AQTA ilə əlaqə saxlamağa çalışsaq da, suallarımıza cavab verən olmadı.
 
Eltac Nurullazadə
 
 
 
 
 

www.anews.az
Telegram
Keçid et
Oxşar xəbərlər
Oxşar xəbərlər
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Bakıda evdən 4 min manat oğurlanıb, şübhəli saxlanılıb
Cəmiyyət 14:05
Bakıda evdən 4 min manat oğurlanıb, şübhəli saxlanılıb
Sabahın hava proqnozu
Cəmiyyət 13:43
Sabahın hava proqnozu
Sumqayıtda azyaşlı dəm qazından boğulub
Cəmiyyət 11:27
Sumqayıtda azyaşlı dəm qazından boğulub
BDYPİ sürücülərə həftəsonu səfərləri ilə bağlı xəbərdarlıq edib
Cəmiyyət 10:57
BDYPİ sürücülərə həftəsonu səfərləri ilə bağlı xəbərdarlıq edib
Anews TV

Rəsmi Youtube kanalımız

Abunə ol