• $
  • €
  • ₽
  • ₺
  • £

Gubad İbadoğlunun ailəsi sovqatların ona çatdırılmamasından şikayətlənib

Gubad İbadoğlunun ailəsi sovqatların ona çatdırılmamasından şikayətlənib
17.08.2023 17:38
1 saylı İstintaq Təcridxanasının rəhbərliyi Qubad İbadoğlunun ailəsinin ona göndərdiyi sovqatların bir hissəsini geri qaytarır. Bu barədə onun qardaşı Qalib Toğrul bildirib.

"Dünən məlum oldu ki, rəhbərlik ona evdən göndərdiyimiz yeməklərin və digər əşyaların bir qismini müsadirə edir. Sovqatlar qəbul edilir. Amma sonra bilirik ki, kitab və pəhriz yeməkləri müsadirə edilir. Qubad şəkər xəstəliyindən əziyyət çəkir və pəhriz saxlamalıdır", -  Qubad İbadoğlunun qardaşı bildirib.

Onun sözlərinə görə, saxlanma kamerasında bərbad vəziyyətdə olan tualetin təmizlənməsi üçün ailənin göndərdiyi "Domestos" yuyucu vasitəsi də həbsxana əməkdaşları tərəfindən sovqatdan çıxarılıb. 

Müxalifət partiyasının lideri, tanınmış iqtisadçı Qubad İbadoğlu saxta pul hazırlamaq maddəsi ilə ittiham olunur. Bu ittihamdan əvvəl hüquq mühafizə orqanları onu FETÖ təşkilatına qoşulmaqda ittiham edirdilər. 
 
Penitensiar xidmətinin ictimaiyyətlə əlaqələr bölümündən isə bildiriblər ki, Qubad İbadoğluna göndərilən sovqatların hamısı ona verilir. 
 
"Həbs edilmiş şəxs Qubad İbadoğluna göndərilən sovqatların bir hissəsinin ona çatmadığı barədə qardaşı tərəfindən sosial şəbəkələrdə yayılmış məlumatlar həqiqəti əks etdirmir.  Belə ki,Qubad İbadoğlunun ailə üzvləri tərəfindən təcridxanaya gətirilən bütün sovqatlar siyahı üzrə qəbul olunur.  Həbs edilmiş şəxs sovqatdakı bütün məhsulları aldığını öz imzası ilə təsdiqləyir",  - məlumatda deyilir. 
 
Qubad İbadoğlunun saxlanma şəraiti yalnız onun ailə üzvləri deyil həmçinin beynəlxalq hüquq müdafiəsi təşkilatları tərəfindən də pislənib. 
 
BMT-nin İnsan Hüquqları ofisi Qubad İbadoğlunun həbsindən və saxlanma şəraitindən narahat olduğunu bildirib. Bu barədə təşkilatın Tvitter hesabında məlumat yerləşdirilib.
 
"Həbsdə olan müxalifət xadimi, alim Qubad İbadoğlunun ağır xəstə olması ilə bağlı yayılan xəbərlər bizi dərindən narahat edir. Biz hökuməti onu azad etməyə və adekvat və müvafiq tibbi müalicə və qayğı ilə təmin olunmasına çağırırıq", - məlumatda bildirilib. 
 
Ondan qabaq ABŞ Dövlət Departamenti, Böyük Britaniyanın, Fransanın, ABŞ-ın  Azərbaycandakı səfirlikləri professorun saxlanma şəraitindən narahat olduqlarını vurğulayıblar. 
 
N.Təbrizli 


www.anews.az
Youtube
Keçid et
Oxşar xəbərlər
Oxşar xəbərlər
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Bakıda evdən 4 min manat oğurlanıb, şübhəli saxlanılıb
Cəmiyyət 14:05
Bakıda evdən 4 min manat oğurlanıb, şübhəli saxlanılıb
Sabahın hava proqnozu
Cəmiyyət 13:43
Sabahın hava proqnozu
Sumqayıtda azyaşlı dəm qazından boğulub
Cəmiyyət 11:27
Sumqayıtda azyaşlı dəm qazından boğulub
BDYPİ sürücülərə həftəsonu səfərləri ilə bağlı xəbərdarlıq edib
Cəmiyyət 10:57
BDYPİ sürücülərə həftəsonu səfərləri ilə bağlı xəbərdarlıq edib
Anews TV

Rəsmi Youtube kanalımız

Abunə ol