• $
  • €
  • ₽
  • ₺
  • £

Kənd təsərrüfatına ayrılan vəsait azaldılıb - Deputat bunu düz,ekspert isə səhv adlandırır

Kənd təsərrüfatına ayrılan vəsait azaldılıb - Deputat bunu düz,ekspert isə səhv adlandırır
20.10.2023 17:24
2024-cü ildə Azərbaycanda kənd təsərrüfatı xərclərinin 1 milyard 109,9 milyon manat olması nəzərdə tutulub, bu da ötən ilin eyni dövrü ilə müqayisədə 7,7% azdır.  Bu barədə Maliyyə Nazirliyinin "2024-cü il dövlət büdcəsi haqqında” Milli Məclisə təqdim olunan layihəsində qeyd olunub. 
 
Ötən il kənd təsərrüfatına 1 milyard 202 milyon 142 min 802 manat pul ayrılıb.
 
Aqrar siyasət komitəsinin üzvü, deputatı Cavanşir Paşazadə bildirir ki, əvvəlki illərdə kənd təsərrüfatına yetərincə maliyyə ayrıldığından artıq fermerlərin qazancları xərclərini ödəyir. 
 
"Prezident İlham Əliyevin 20 il əvvəl verdiyi tapşırıq və qərarlara əsasən, həm kənd təsərrüfatı məhsullarının yetişdirilməsinə, həm də heyvandarlıq üçün böyük vəsaitlər ayrılıb.  Həmin qərarlardan sonra kənaqrar sektorda çalışan  insanlara bir sıra güzəştlər edilib, bəzi vergilərdən azad olunublar. Beləliklə uzun illər kənd təsərrüfatına ayrilan vəsaitlərin çox olması, fermerlərə edilən güzəştlər onların özlərinin qazanclarının yaxşılaşmasına və ehtiyaclarının azalmasına səbəb olub. Odur ki, kənd təsərrüfatına dövlət büdcəsindən ayrılan vəsait  də azalmağa başlayıb və azalmaqda davam edəcək. Çünki fermerlərin, torpaq sahibkarlarının özlərinin qazancları özlərinə bəs edir", - deputat vurğulayıb.
 
"Aqrar İslahatlara Dəstək" İctimai Birliyinin rəhbəri, ekspert Vahid Məhərrəmli isə bildirir ki, kənd təsərrüfatına  ayrılan mailiyənin azaldılması kiçik və orta fermerlər üçün ciddi problem yaradacaq.
 
"Son vaxtlar gübrənin qiymətində kəskin şəkildə artım müşahidə olunur. Fermerlərə göstərilən əkin, səpin, yığım kimi  xidmətlərin də qiyməti artıb. Hazırda bir sıra özəl sahibkarlar peyda olublar və dövlət hesabına alınan bütün texnikanı ələ keçiriblər. Bu xidməti də onlar göstərirlər. Bütün bunları nəzərə alsaq, kənd təsərrüfatına  ayrılan mailiyənin azaldılması kiçik və orta fermerlər üçün ciddi problem yaradacaq. Onların xərci artacaq və təsərrüfatın inkişafında yaranan problemləri həll etməkdə çətinlik çəkəcəklər. Dövlətin həmin xərcin bir hissəsini qarşılayacaq vəsaitdən onları məhrum etməsi işlərini çətinləşdirməkdən başqa bir şey deyil", - ekspert əlavə edib.

Ekspertin fikrincə, ölkədə kənd təsərrüfatına xidmət sahəsində qiymətlərə nəzarət edilməlidir.
 
"Bu dəyişikliyi o vaxt etmək olardı ki, ölkədə xidmət və istehsal vasitələrinin qiyməti ilə bağlı stabil bir qiymət diapazonu olardı. Buna isə ölkədə nəzarət edilmir və belə olduğu halda kənd təsərrüfatına  ayrılan vəsaitin azaldılması, əlbəttə, bir çox fermerlərdə problem yaradacaq",-  Vahid Məhərrəmli bildirib.
 
2023-cü ilin yanvar-sentyabrı üzrə dövlət büdcəsi dnəaxilolmaların 59,5 faizi qeyri-neft sektoru üzrə daxilolmalar təşkil etməklə 13130,8 milyon manat olub, bu da proqnozla müqayisədə 747,7 milyon manat və ya 6%, 2022-ci ilin müvafiq dövrü ilə müqayisədə isə 1531,0 milyon manat və ya 13,2 faiz çoxdur.

Çiçək Sadatova

www.anews.az
Telegram
Keçid et
Oxşar xəbərlər
Oxşar xəbərlər
Sevinc Maniyeva vəfat edib
Cəmiyyət 20:42
Sevinc Maniyeva vəfat edib
Ağdamda itlər məktəbli qıza hücum edib
Cəmiyyət 18:09
Ağdamda itlər məktəbli qıza hücum edib
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Bakıda evdən 4 min manat oğurlanıb, şübhəli saxlanılıb
Cəmiyyət 14:05
Bakıda evdən 4 min manat oğurlanıb, şübhəli saxlanılıb
Sabahın hava proqnozu
Cəmiyyət 13:43
Sabahın hava proqnozu
Sumqayıtda azyaşlı dəm qazından boğulub
Cəmiyyət 11:27
Sumqayıtda azyaşlı dəm qazından boğulub
BDYPİ sürücülərə həftəsonu səfərləri ilə bağlı xəbərdarlıq edib
Cəmiyyət 10:57
BDYPİ sürücülərə həftəsonu səfərləri ilə bağlı xəbərdarlıq edib
Anews TV

Rəsmi Youtube kanalımız

Abunə ol