• $
  • €
  • ₽
  • ₺
  • £

Tahir Gözelin təşəbbüsü ilə “Orta Dəhlizin yaşıllaşdırılması” mövzusunda işgüzar toplantı keçirilib

Tahir Gözelin təşəbbüsü ilə “Orta Dəhlizin yaşıllaşdırılması” mövzusunda işgüzar toplantı keçirilib
14.03.2024 15:09
İş adamı Tahir Gözelin təşəbbüsü ilə Bakıda "Orta Dəhlizin yaşıllaşdırılması” mövzusunda mütəxəssislərin iştirakı ilə iki günlük işgüzar toplantı təşkil edilib. 


Rəqəmsal İnkişaf və Rabitə nazirliyi, Ekologiya və Təbii Sərvətlər nazirliyi, ADA Universiteti, ARDNF, COP 29 Təşkilat Komitəsi, Aztrans Rail, ADY, Özbəkistan Nəqliyyat nazirliyi, Gürcüstan Dəmir Yolları, Böyük Britaniyanın "Overseas Development Initiative”( ODI) təşkilatının rəsmiləri və müstəqil ekspertlərin iştirakı ilə təşkil edilmiş görüş çərçivəsində Azərbaycanın Orta Dəhliz ideyasının reallaşdırılmasının əsas təşəbbüskarı və lideri olduğu vurğulanaraq, bu layihənin Paris Sazişi və digər ekoloji beynəlxalq qanunvericilik tələblərinə uyğun olaraq reallaşdırılmalı olduğu qeyd olunub.


Jurnalistlərə açıqlama verən Tahir Gözel layihəni reallaşdırılmasına dəstək verməyə hazır olan ODI təşkilatının dayanıqlılıq, iqlim üzrə çox nüfuzlu şirkət olduğunu bildirib. 


İş adamı bu konfransın məqsədini açıqlayarkən bildirib ki, hazırda Azərbaycan və bölgənin digər ölkələrinin iştirakı ilə işə başlayacaq Orta Dəhlizin daha dayanıqlı olması üçün xüsusi layihə hazırlanır.


Ümumilikdə Orta Dəhliz layihəsinə  xarici investorlar tərəfindən 18 milyard avro investisiya cəlb edilməsi gözlənilir.


Lakin hazırda bütün dünyada İqlim Dəyişikliyinə çox böyük diqqət ayrıldığı üçün bu qlobal layihənin də yaşıl iqtisadiyyat anlayışına uyğun olması və bu istiqamətdə araşdırmaların aparılmasına ehtiyac var. 


Tahir Gözelin təşkil etdiyi iki günlük işgüzar toplantı da bu məqsəd daşıyır və araşdırmalar nəticəsində hazırlanacaq fəaliyyət planının COP 29-da təqdim edilməsi nəzərdə tutulur. 


Layihə çərçivəsində Orta Dəhlizin ekoloji təmizliyini təmin etməklə bərabər Xəzər Dənizinin qorunması da təmin ediləcək. 


Bu qlobal əhəmiyyətə malik layihə "Tahir Gözəl. İnkişaf üçün təşəbbüs” Fondunun dəstəyi ilə hazırlanır.


Bölgədə ilk dəfə olaraq, Ümumdünya maliyyə donorlarına təqdim olunacaq belə bir sənəd hazırlanır. 


Daha sonra ODI təşkilatının dəstəyi ilə Böyük Britaniyanın Dövlət Meterologiya Ofisi layihəyə dəvət olunacaq və super kompyuterlər hesabına gözlənilən risklərin hesablanması həyata keçiriləcək.


Eyni zamanda daha öncə Afrika qitəsində 700-800 milyon avro xərclənilərək həyata keçirilmiş nəqliyyat dəhlizlərində karbon dioksid tullantılarının ölçülməsi təcrübəsinin Orta Dəhlizdə tətbiq edilməsi mövzusunda da ODI  tərəfindən müşavirlik dəstəyinin verilməsi nəzərdə tutulur.


Qlobal İqlim Dəyişikliyinin bütün dünyanın diqqət mərkəzində olduğunu bildirən Tahir Gözel hazırda böyük biznes layihələrinə dəstək üçün dayanıqlılıq hesabatlrının tələb olunduğunu qeyd edilib. 


İş adamı hazırda "karbon ayaq izi”nin ölçülməsi, karbon offset məhsulların istehsalı, "Circular economy” kimi terminlərin dünya biznesində əsas ifadələrə çevrildiyini qeyd edib.


Tahir Gözel COP 29 kimi böyük bir layihəyə ev sahibliyi edən Azərbaycanın Orta Dəhliz layihəsində də öndərlik etdiyini və bunun çox qürurverici hal olduğunu bildirdi.


Bu layihənin davamlı olacağını, beynəlxalq mütəxəssislərin iştirakı ilə Özbəkistan və Çində də icra edilməsinin nəzərdə tutulduğu qeyd edildi.


Qeyd edək ki, ölkəmizin tarixi, mədəniyyəti və ənənələrinə xüsusi həssaslıqla yanaşan Tahir Gözel mütəmadi olaraq , Azərbaycan dəyərlərinin təbliği məqsədilə yerli və qlobal layihələrə dəstək verir.

www.anews.az
Instagram
Keçid et
Oxşar xəbərlər
Oxşar xəbərlər
Sabah bir sıra bölgələrdə güclü külək əsəcək – sarı xəbərdarlıq
Cəmiyyət 16:27
Sabah bir sıra bölgələrdə güclü külək əsəcək – sarı xəbərdarlıq
Sabirabadda qaçırılan azyaşlı qız tapılıb
Cəmiyyət 16:18
Sabirabadda qaçırılan azyaşlı qız tapılıb
Qızılağac Milli Parkında qanunsuz ov edən şəxs saxlanılıb
Cəmiyyət 15:43
Qızılağac Milli Parkında qanunsuz ov edən şəxs saxlanılıb
Bakıda evdən 4 min manat oğurlanıb, şübhəli saxlanılıb
Cəmiyyət 14:05
Bakıda evdən 4 min manat oğurlanıb, şübhəli saxlanılıb
Sabahın hava proqnozu
Cəmiyyət 13:43
Sabahın hava proqnozu
Sumqayıtda azyaşlı dəm qazından boğulub
Cəmiyyət 11:27
Sumqayıtda azyaşlı dəm qazından boğulub
BDYPİ sürücülərə həftəsonu səfərləri ilə bağlı xəbərdarlıq edib
Cəmiyyət 10:57
BDYPİ sürücülərə həftəsonu səfərləri ilə bağlı xəbərdarlıq edib
Sumqayıtda yol çöküb
Cəmiyyət 09:34
Sumqayıtda yol çöküb
Naftalanda üç məktəblini maşın vurub
Cəmiyyət 20:25
Naftalanda üç məktəblini maşın vurub
Anews TV

Rəsmi Youtube kanalımız

Abunə ol