• $
  • €
  • ₽
  • ₺
  • £

Yasamal rayonundan nümunəvi addımlar

Yasamal rayonundan nümunəvi addımlar
17.07.2024 10:26
Rayon ərazisində yol kənarlarında vətəndaşların hərəkətinə çətinlik yaradan obyektlər aradan qaldırılır, ərazilər təmizlənir və abadlaşdırılır
 
 
Son bir neçə ay ərzində paytaxtın Yasamal rayonunda abadlıq və səliqə-səhmanın yaradılması üzrə genişmiqyaslı işlərə start verilib. Söhbət hələ 90-cı illərin əvvələrində kortəbii şəkildə meydana çıxmış və bu gün artıq ictimai narazılığa səbəb olan kommersiya obyektlərinin fəaliyyətindən gedir. Məlum olduğu kimi, o illərdə Bakı məcburi köçkünlərin böyük axını ilə üz-üzə qalmışdır. O zaman qaçqın və köçkünlərin sosial durumu çox ağır idi və ölkəmiz müharibə vəziyyətində idi. Ona görə də bu kateqoriyadan olan insanlara müəyyən güzəştlər edilmişdi. Amma məlum olduğu kimi artıq torpaqlarımız azad edilib və "Böyük qayıdış” proqramının icrası başlayıb. Minlərlə məcburi köçkün artıq doğma yurdlarına qayıdır. Elə şəhərimizin Yasamal rayonunda fəaliyyət göstərən obyektlərin bir çoxunda məcbiri köçkünlər və əyalət sakinləri üstünlük təşkil edir. Bir müddət öncə Ətçilər kimi tanınan ərazidə 30 ilə yaxın fəaliyyət göstərmiş ət kəsimi məntəqələri, kafe və qəssabxanalar söküldü. Yasamal Rayon İcra Hakimiyyətinin bu addımını yalnız və yalnız alqışlamaq olar.Sirr deyil ki, bu ərazidəki vəziyyət uzun zaman ətraf sakinlərin şikayətlərinə səbəb olurdu. İndi artıq bu ərazidə səkilər azad edilib, küçə təmizlənib və səliqə-səhman yaradılıb.

Təxminən eyni fikirləri Şərifzadə küçəsində yerləşən, ali məktəb yataqxanasına aid,ərazi barədə də demək olar. Uzun illər burada küçə boyunca avtoyuma, təmirxana, kafe və digər obyerktlər qanunsuz fəaliyyət göstərib.Sənədsiz, heç bir vergi ödəməyən və şəhərin ümumi görünüşünə xələl gətirən bu obyektlərin söküntüsünə görə Yasamal Rayon İcra Hakimiyyətinin əməkdaşlarına həqiqətən böyük təşəkkür düşür.Uzun zaman burada antisanitariya və bərbad vəziyyət hökm sürüb.Artıq bu hallara son qoyulub və ərazidə səliqə-səhman və abadlıq yaradılır.

Oxşar fikirləri Yeni Yasamal massivi 11-12 binaların həyətindəki yöndəmsiz tikili və qarajlar barədə də demək olar.Bu ünvanda uzun on illiklər öncə meydana çıxmış müxtəlif təyinatlı obyekt, tikili və avtoqarajlar aradan qaldırılıb və ərazidə təmizlik və səliqi-səhman yaradılır. Bildirildiyinə görə, bu ünvanda geniş abadlıq işləri görüləcək və müvafiq layihə növbəti tədbirlər planına daxil edilib.

Bir sözlə son zamanlar Yasamal rayonunda yol kənarlarında qeyri-qanuni və vətəndaşların hərəkətinə çətinlik yaradan obyektlərin söküntüsü həyata keçirilir, hasarlar sökülür və ərazilər təmizlənir. Digər ərazilərdə də tikilən bir sıra müxtəlif təyinatlı obyektlərin sənədləri araşdırılır. Araşdırmalar nəticəsində müəyyən olunmuş pozuntuların aradan qaldırılması gözlənilir.

Bütün bu addımların  əsas məqsədi Yasamal rayonunun gözəlləşdirilməsi, sakinlərin sosial və asudə şəraitinin yaxşılaşdırılması, onları narahat edən amillərin aradan qaldırılmasıdır.Hazırda  Bakı şəhəri COP- 29 kimi böyük beynəlxalq tədbirə hazırlaşır və on minlərlə xarici qonaq şəhərimizə gələcək.Bu baxımından şəhərimiz bu tədbiri ən nümunəvi halda və beynəlxalq standartlara uyğun bir şəkildə qarşılamalıdır.
 
www.anews.az

www.anews.az
Instagram
Keçid et
Oxşar xəbərlər
Oxşar xəbərlər
Sumqayıtda yol çöküb
Cəmiyyət 09:34
Sumqayıtda yol çöküb
Naftalanda üç məktəblini maşın vurub
Cəmiyyət 20:25
Naftalanda üç məktəblini maşın vurub
Bakı metrosunun Qırmızı xəttində qatarların hərəkətində yubanma olub
Cəmiyyət 19:15
Bakı metrosunun Qırmızı xəttində qatarların hərəkətində yubanma olub
Taksi sürücüləri üçün növbəti imtahanın tarixi açıqlanıb
Cəmiyyət 18:08
Taksi sürücüləri üçün növbəti imtahanın tarixi açıqlanıb
DYP sürücülərə xəbərdarlıq edib
Cəmiyyət 17:06
DYP sürücülərə xəbərdarlıq edib
Bakıda avtoxuliqanlıq edən şəxs həbs olunub
Cəmiyyət 16:15
Bakıda avtoxuliqanlıq edən şəxs həbs olunub
Kolleclərə qəbulun məhdudlaşdırılması nəzərdə tutulur
Cəmiyyət 16:01
Kolleclərə qəbulun məhdudlaşdırılması nəzərdə tutulur
Mehriban Əliyeva Vyetnamın vitse-prezidenti ilə görüşüb
Cəmiyyət 15:50
Mehriban Əliyeva Vyetnamın vitse-prezidenti ilə görüşüb
Azərbaycanda nikahların və boşanmaların sayı açıqlanıb
Cəmiyyət 15:16
Azərbaycanda nikahların və boşanmaların sayı açıqlanıb
Anews TV

Rəsmi Youtube kanalımız

Abunə ol