• $
  • €
  • ₽
  • ₺
  • £

Qanunvericiliyin tətbiqinə dair təklifləri toplamaq üçün onlayn platforma yaradılıb

Qanunvericiliyin tətbiqinə dair təklifləri toplamaq üçün onlayn platforma yaradılıb
22.07.2024 16:44
Hüquq və İnsan Haqları İnstitutu (İnstitut) Praktikaya aid siqnallar Sorğusu (PASS) platformasını istifadəyə verib. Bu barədə institutdan məlumat verilib.


Bildirilib ki, PASS platformasının məqsədi qanunların tətbiqində insan hüquqlarının təmin edilməsi və şəffaflığın artırılması, korrupsiyaya şərait yaradan halların ifşa olunması və qanunvericiliyin tətbiqi praktikasının təkmilləşdirilməsi proseslərinə töhfə verməkdir. Platforma hüquqşünaslara və sıravi vətəndaşlara praktikada bu və ya digər qanunun, yaxud aktın tətbiqi ilə bağlı boşluqlar və ya problemlər barədə vahid bir platforma üzərindən məlumat və təklif vermək imkanı yaradır.


Qanunvericilik sistemində 54 000-dən yuxarı normativ hüquqi akt (o cümlədən, 6000+ qanun, 8000+ Azərbaycan Respublikası Prezidentinin fərmanları), normativ xarakterli aktlar və qeyri-normativ hüquqi aktlar (o cümlədən, 15000+ Azərbaycan Respublikası Prezidentinin sərəncamları və 3000+ Nazirlər Kabinetinin sərəncamları) mövcuddur. Lakin hüquqşünaslar və digər vətəndaşlar praktikada qanunların, yaxud digər hüquqi aktların tətbiqi ilə bağlı boşluqlar və ya problemlərlə rastlaşdıqda onların bu məqamlar barədə vahid bir mərkəzə təklif vermək imkanı yox idi.


Artıq istənilən şəxs qanunvericiliyin tətbiqi ilə əlaqədar rastlaşdığı problemi və təklifi "çat lövhə” formatında fəaliyyət göstərən PASS platformasında əks etdirə biləcək və digər şəxslər də buna dair öz qeydlərini əlavə edə biləcəklər.


Qeydlərin və təkliflərin göndərilməsi üçün xüsusi qeydiyyat tələb edilmir. Bu, şəxslərin seçimi ilə, həmçinin, anonim olaraq da yüklənə bilər. Qeydlər və təkliflər rübdə 1 dəfə İnstitut tərəfindən ümumiləşdirilərək, elmi baxımdan araşdırılacaq və aidiyyəti qurumlara xülasə formasında göndəriləcək.


PASS platforması "İctimai iştirakçılıq haqqında” Qanunla nəzərdə tutulan ictimai iştirakçılığın bir aləti olaraq "ictimai rəyin öyrənilməsi” funksiyasını yerinə yetirəcək. Eyni zamanda, hüquqşünaslar bu və ya digər məqamlara dair hüququn tətbiqi praktikasını izləmək və öz fəaliyyətlərini ona uyğunlaşdırmaq imkanı əldə edəcəklər.


PASS platforması ilə bu linkdən tanış olmaq olar: https://lhri.az/az/pass

www.anews.az
Facebook
Keçid et
Oxşar xəbərlər
Oxşar xəbərlər
Naftalanda üç məktəblini maşın vurub
Cəmiyyət 20:25
Naftalanda üç məktəblini maşın vurub
Bakı metrosunun Qırmızı xəttində qatarların hərəkətində yubanma olub
Cəmiyyət 19:15
Bakı metrosunun Qırmızı xəttində qatarların hərəkətində yubanma olub
Taksi sürücüləri üçün növbəti imtahanın tarixi açıqlanıb
Cəmiyyət 18:08
Taksi sürücüləri üçün növbəti imtahanın tarixi açıqlanıb
DYP sürücülərə xəbərdarlıq edib
Cəmiyyət 17:06
DYP sürücülərə xəbərdarlıq edib
Bakıda avtoxuliqanlıq edən şəxs həbs olunub
Cəmiyyət 16:15
Bakıda avtoxuliqanlıq edən şəxs həbs olunub
Kolleclərə qəbulun məhdudlaşdırılması nəzərdə tutulur
Cəmiyyət 16:01
Kolleclərə qəbulun məhdudlaşdırılması nəzərdə tutulur
Mehriban Əliyeva Vyetnamın vitse-prezidenti ilə görüşüb
Cəmiyyət 15:50
Mehriban Əliyeva Vyetnamın vitse-prezidenti ilə görüşüb
Azərbaycanda nikahların və boşanmaların sayı açıqlanıb
Cəmiyyət 15:16
Azərbaycanda nikahların və boşanmaların sayı açıqlanıb
Bu il 75 üçəm doğulub
Cəmiyyət 15:13
Bu il 75 üçəm doğulub
Anews TV

Rəsmi Youtube kanalımız

Abunə ol