Salyanda maşın kanala aşıb,ölən və xəsarət alanlar var

Salyanda avtomobil su kanalına düşüb.

“Qafqazinfo”nun məlumatına görə, hadisə səhər saatlarında Salyan rayonu Dayıkənd avtomobil yolunda qeydə alınıb.

Hadisə nəticəsində Xalidə Yaqubova ölüb, beş nəfər isə xəsarət alıb.

Xəsarət alan şəxslər - Həsən Rüstəmov, Taleh Məhərrəmov, Miryusif Əhmədov, Lalə Yaqubova və Bəsirə Yaqubova Salyan Rayon Mərkəzi Xəstəxanasına yerləşdirilib.

Faktla bağlı araşdırma aparılır.