• $
  • €
  • ₽
  • ₺
  • £

Türkiyəli nazir: Bizim üçün Azərbaycan qazı ən ucuz qazdır

Türkiyəli nazir: Bizim üçün Azərbaycan qazı ən ucuz qazdır
26.10.2015 12:15
Türkiyənin Enerji və Təbii Ehtiyatlar naziri Əli Rza Alaboyun BOTAŞ Türkiyənin Azərbaycan qazının idxalından 10 milyard dollar zərər etməsi məsələsinə aydınlıq gətirib.

Oxu.Az Türkiyə mətbuatına istinadən xəbər verir ki, nazir səslənən fikirlərin əsassız olduğunu bildirib.

"Bu günə qədər Azərbaycandan aldığımız qaza görə, ödədiyimiz məbləğin həcmi 10 milyard dollara çatmayıb ki, biz bu qədər zərər edək. Belə məsələ istənilsə belə ola bilməz” - deyə, nazir qeyd edib.

Nazir bildirib ki, Azərbaycandan Türkiyəyə iki mənbədən qaz gəlir və bu ölkənin qazı ən ucuz qazdır:

"Azərbaycandan Türkiyəyə iki mənbədən qaz ixrac edilir. 6,6 milyard kub metrlik mənbədən ixrac edilən qaz gəldiyi kimi BOTAŞ-ın sisteminə daxil edilir. Türkiyə Azərbaycan qazının idxalına görə zərər çəkmir.

Biz dəqiq deyə bilərik ki, Azərbaycan qazı Türkiyənin idxal etdiyi ən ucuz qazdır. Və təbii ki, bununla əlaqədar heç bir irad əsaslandırılmış ola bilməz. Türkiyə 2001-ci ildən Azərbaycan qazı alır”, - nazir bildirib.

Nazir onu da vurğulayıb ki, Türkiyə heç bir ölkədən idxal etdiyi qaza görə zərər etmir.

Alaboyun həmçinin xatırladıb ki, Azərbaycan və Türkiyə yeni qaz çatdırmaları üçün TANAP-ın inşası üzrə razılığa gəliblər:

"İki ölkə qaz əməkdaşlığının nümunəsini yaradan saziş imzalayıblar. Bu razılaşmalara görə, türk BOTAŞ-nın TANAP-dakı payı 20%-dən 30%-ə qədər, Turkish Petroleumun (TPAO) Şah-Dəniz layihəsində və Cənubi Qafqaz boru kəmərində isə 9%-dən 19%-ə qədər artıb. Beləliklə də Türkiyənin dövlət şirkətləri Azərbaycan qazına dair istehsal-nəql-satış zəncirində "səs hüququna” sahibdirlər”, - nazir əlavə edib.

O, Nabucco qaz kəməri layihəsinin ləğv edilməsi səbəblərinə dair iradları təkzib edib:

"Nabucco Azərbaycan və türkmən qazının Türkiyədən keçərək Avropaya çatdırılması üçün nəzərdə tutulmuşdu. Bundan başqa, İran və İraq qazı da bu kəmərə əlavə edilə bilərdi. Amma layihə yüksək maliyyə dəyəri səbəbindən həyata keçirilə bilməz, TAP layihəsini seçən Şah-Dəniz konsorsiumu tərəfindən qəbul edilmədi”, - nazir deyib. 

www.ann.az
Facebook
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol