• $
  • €
  • ₽
  • ₺
  • £

SOCAR: TAP layihəsinin ümumi xərcləri azalıb

SOCAR: TAP layihəsinin ümumi xərcləri azalıb
05.01.2016 14:35
Dünya bazarında gedən proseslər "Şahdəniz" yatağının ikinci mərhələsinin işlənməsindən hasil olunan təbii qazın Avropaya nəqlini nəzərdə tutan Trans-Adriatik boru kəməri (TAP) layihəsinin gerçəkləşməsinə əngəl törətmir.

 Bu barədə "Report"un sorğusuna cavab olaraq Azərbaycan Dövlət Neft Şirkətindən (SOCAR) bildirilib.

Qeyd olunub ki, neftin ucuzlaşması nəticəsində boru kəmərləri üçün əsas material sayılan polad ilkin qiymətləndirmə ilə müqayisədə daha aşağı qiymətə əldə olunub: "Neftin ucuzlaşmasının təsirindən boru kəmərlərinin inşasına cəlb olunan xidmətlərin də qiyməti aşağı düşüb və layihənin ümumi xərclərinin azalmasına səbəb olub".

SOCAR-dan bildirilib ki, TAP layihəsinin birbaşa xüsusi vəsaitlərlə həyata keçirilməsi üçün imkanlar mövcuddur: "Lakin məsrəf yükünü azaltmaq üçün layihə əsasən banklar (ixrac kredit agentlikləri, Avropa Yenidənqurma və İnkişaf Bankı, Avropa İnvestisiya Bankı və kommersiya bankları) tərəfindən, yəni kreditlər cəlb olunmaqla maliyyələşir. Kreditlər TAP səhmdarları tərəfindən boru kəmərinin istismarı və qazın nəqlindən əldə olunan gəlirlər hesabına ödəniləcək. SOCAR bu layihənin səhmdarlarından biridir. Bu format layihə iştirakçısı olan Azərbaycan tərəfinin (SGC-SOCAR) öhdəsinə düşən xərclərin azalmasına səbəb olub. Yuxarıda qeyd olunan müsbət təsirləri Cənub Qaz Dəhlizinin digər layihələrində də gözləyirik", - deyə SOCAR-dan bildirilib.

Qeyd edək ki, Cənub Qaz Dəhlizi layihəsinin bir hissəsi olan TAP kəməri ilə "Şahdəniz-2" layihəsi çərçivəsində hasil olunan qazın ilkin mərhələdə ildə 10 mlrd. kubmetri Avropaya nəql olunacaq. Bu boru kəməri Türkiyə-Yunanıstan sərhədindəki Kipoy ərazisində TANAP kəmərinə qoşulacaq və Yunanıstan, Albaniya və Adriatik dənizindən keçməklə Cənubi İtaliyaya qədər uzanacaq. "Şahdəniz" yatağından ilk Azərbaycan qazının 2019-cu ilin sonu-2020-ci ilin əvvəlində Avropaya çatdırılması planlaşdırılır. Boru kəmərinin uzunluğu 878 km təşkil edir ki, bunun da 545 km-i Yunanıstan ərazisini, 215 km-i Albaniyanı, 105 km-i Adriatik dənizi, 8 km-i isə Cənubi İtaliyanı əhatə edəcək. Boru kəmərinin ən yüksək nöqtəsi Albaniya dağlarında (1 800 m), ən aşağı hissəsi isə (820) dənizin altında olacaq. Hazırda TAP kəmərinin tikintisinə hazırlıq işləri aparılır. Bu il boru kəmərinin tikintisinə başlanması nəzərdə tutulur.

TAP-ın səhmdarları BP (20%), SOCAR (20%), "Snam S.p.A." (20%), "Fluxys" (19%), "Enagas" (16%) və "Axpo" (5%) şirkətləridir:


 

www.ann.az
Twitter
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol