• $
  • €
  • ₽
  • ₺
  • £

"Azərikimya" İstehsalat Birliyində görüş keçirildi

"Azərikimya" İstehsalat Birliyində görüş keçirildi
11.01.2016 16:45
"Azərikimya" İstehsalat Birliyində görüş keçirilib 

Bu gün Azərbaycan Dövlət Neft Şirkətinin (SOCAR) "Azərikimya" İstehsalat Birliyində Azərbaycan Dövlət Neft və Sənaye Universitetinin (ADNSU) rektoru, texnika elmləri doktoru Mustafa Babanlının başçılıq etdiyi 25 nəfərlik nümayəndə heyəti ilə görüş keçirilib.

Qaynar.info "Report"-a istinadən xəbər verir ki, görüşdə universitetin Sənayenin təhlükəsizliyi və əməyin mühafizəsi, Mühəndis qrafikası, Üzvi kimya, Neftin, qazın kimyası və texnologiyası, Yüksək molekullu birləşmələrin texnologiyası, Üzvi maddələrin texnologiyası və sənaye ekologiyası, Fiziki və analitik kimya, Kimya texnologiyasının mühəndis əsasları və digər kafedraların müdirləri, aparıcı müəllimləri, həmçinin doktorant və magistrləri, eyni zamanda "Azərikimya”nın aparıcı mütəxəssisləri iştirak edib.

Görüşü giriş sözü ilə açan "Azərikimya" İB-nin Müşahidə Şurasının sədri, Milli Məclisin deputatı Muxtar Babayev 2010-cu ildən bəri qurumda həyata keçi­rilən yenidənqurma və modernizasiya işləri, həmçinin perspektiv layihələr haqqında görüş iştirakçılarına geniş məlumat verib.

Sonra "Azərikimya" İB-də 2010-cu ildən bəri görülmüş işlər və 2020-ci ilə qədər həyata keçiriləcək layihələri özündə əks etdirən slayd-şou təqdim olunub.

Görüşdə həmçinin perspektiv planlar – Kimya sənayesinin 2016-2019-cu illər üçün hədəfləri – Kimya Sənaye Parkı, "SOCAR Polymer” layihəsi çərçivəsində tikilən Polipropilen (PP) və yüksək sıxlıqlı Polietilen (HDPE) istehsalatları, ölkənin ərzaq təhlükəsizliyinin təmin edil­mə­sin­də mühüm rola malik olacaq Karbamid (Azot gübrəsi) zavodunun tikintisi, həmçinin 2020-ci ilin əvvəllərinə qədər tikilib istismara verilməsi planlaşdırılan 7 müxtəlif qurğu haqqında məlumat verilib, kadr hazırlığı məsələləri, SOCAR-ın Təlim, Tədris və Sertifikatlaşdırma İdarəsi tərəfindən Sumqayıtda yaradılmış Təlim-tədris Mərkəzi, respublikanın aparıcı ali təhsil ocaqları ilə qurulan əlaqələr, eyni zamanda həyata keçirilən sosial yönümlü tədbirlər haqqında da geniş söhbət açılıb.Görüşdə belə bir yekdil rəyə gəlinib ki, bu qəbildən olan görüşlər davamlı xarakter alsın, bu da gələcəkdə qarşılıqlı faydalı əməkdaşlığın detallarını özündə əks etdirən çərçivə sazişinin imzalanmasına vəsilə olsun. Görüşün sonunda "Azərikimya" İB adından ADNSU-nun rəhbərliyinə xatirə hədiyyəsi təqdim olunub.

Görüşdən sonra qonaqların "Azərikimya” İB-nin Etilen-polietilen zavoduna ekskursiyası təşkil olunub və onlar burada fəaliyyət göstərən istehsalat sahələri ilə yaxından tanış olublar.
 






www.ann.az
Instagram
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol