• $
  • €
  • ₽
  • ₺
  • £

BP Təhsil Nazirliyi ilə yeni layihəyə başlayır

BP Təhsil Nazirliyi ilə yeni layihəyə başlayır
22.09.2016 14:39
BP-Azerbaijan" şirkəti Azərbaycandakı layihələrin tərəfdaşları adından kənd təsərrüfatı üzrə peşə təhsilinin gücləndirilməsinə dəstək olaraq Təhsil Nazirliyi ilə yeni layihəyə başlayır. 

"Report" xəbər verir ki, dəyəri 358 min manat olacaq layihə nəticəsində kənd təsərrüfatı sahəsində bir sıra yeni peşə və ixtisasların yaradılması, bunun ölkənin aqrar sektorunda səmərəliliyə töhfə verməsi gözlənilir. 

Belə ki, bu layihə çərçivəsində BP və onun tərəfdaşları Azərbaycanda kənd təsərrüfatı üzrə peşə təhsili bazasını gücləndirmək öhdəliyi götürür. Tərəfdaşlıq ölkədə kənd təsərrüfatı üzrə bir sıra yeni peşə və ixtisaslar üçün müasir tədris materiallarının, dərsliklərin və təlim metodologiyasının hazırlanmasını əhatə edir. 

Pilot mərhələdə yeni yaradılmış peşə və ixtisas bölmələri üzrə 20 nəfərə təlimlərin keçirilməsi nəzərdə tutulub. Bu mərhələ uğurlu olarsa, layihə ölkədəki kənd təsərrüfatı üzrə bütün peşə məktəblərini əhatə edəcək. 

Layihə bu ilin sentyabr ayından 2017-ci ilin sentybr ayına qədərki 1 ili əhatə edəcək və "British Council" tərəfindən icra ediləcək. Yeni yaradılmış peşə və ixtisas bölmələri bağçılıq (bitkilər və onlardan istifadə; əkin və qulluq/təsərrüfat işləri; torpaq və substratlar - 3 modul), bitkiçilik (taxılın yetişdirilməsi; meyvəçilik; qarğıdalının yetişdirilməsi; meyvəköklülərin yetişdirilmısi; pambığın yetişdirilməsi - 5 modul), kənd təsərrüfatı texnikası / aqro-xidmətlər (maşın mexanizmlərinə texniki xidmət; maşın mexanizmlərin təmiri; kənd təsərrüfatı texnikasından istifadə; kənd təsərrüfatı texnikası ilə işlərin tamamlanması - 4 modul) kimi sahələri əhatə edəcək. 

Tərəfdaşlıq proqramına başlanması münasibətilə bu gün Bakıda keçirilmiş tədbrdə çıxış edən BP-nin Azərbaycan,Gürcüstan və Türkiyə üzrə regional prezidenti Qordon Birrell bildirib ki, bu yeni yaradılmış qiymətləndirmə bazalarından, tədris planından, dərsliklərdən və digər tədris materiallarından istifadə etməklə 12 təlim modulundan ibarət olan əhəmiyyətli bir layihədir. 

"Biz inanırıq ki, bu layihə peşə məktəblərinin məzunları üçün məşğulluq imkanlarının artırılması istiqamətində görülən ümumi səylərə dəstək verir və yerli əmək bazarında kənd təsərrüfatı sahəsində ixtisaslaşmış insanlara olan tələbatın ödənilməsinə yardım edir. Bütün bunlar ölkədə kənd təsərrüfatının inkişafı məqsədlərinə cavab vermək üçün Təhsil Nazirliyinin Təhsil Problemləri İnstitutu tərəfindən yoxlanıb təsdiqlənəcək. Biz bu pilot layihədən yüksək keyfiyyətli nəticələr gözləyirik və inanırıq ki, o ölkədə kənd təsərrüfatı üzrə peşə təhsilində yeni metodologiyanın, yeni ixtisas bölmələrinin və tendensiyaların yaradılması prosesini gücləndirəcək",- deyə Q.Birrell əlavə edib. 

Tədbirdə çıxış edən təhsil naziri Mikayıl Cabbarov isə yeni layihənin ölkə iqtisadiyyatının ən vacib sahələrindən biri olan kənd təsərrüfatının tərəqqisinə töhfə verəcəyinə ümidvar olduğunu bildirib.


www.ann.az
Twitter
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol