• $
  • €
  • ₽
  • ₺
  • £

Özəlləşdirilmə niyə bütün dövlət müəssisələrinə şamil edilmir?

Özəlləşdirilmə niyə bütün dövlət müəssisələrinə şamil edilmir?
24.10.2016 15:41

Əmlak Məsələləri üzrə Dövlət Komitəsi (ƏMDK) noyabrın 22-də dövlət əmlakının özəlləşdirilməsi ilə bağlı açıq hərrac keçirəcək. Komitənin verdiyi məlumata görə, 78 dövlət əmlakı hərraca çıxarılıb.


Auksiona çıxarılan müəssisələrə"Ağdaş Quşçuluq”, "Şamaxı Dəmir Beton”, "Qarabağ Pambıq”, "Zaqatala Fındıq”, "İsmayıllı Sənaye İstehsal”, "Material Təchizat”, "Saatlı Broyler”, "Bərdə Tikinti Quraşdırma” və digərləri daxildir.


Hərraca daha iri dövlət qurumlarının deyil, adətən, kiçik müəssisələrinin çıxarılmasını və auksionun hansı qaydalar əsasında keçirilməsini ANN.Az-a iqtisadçı-ekspert Natiq Cəfərli şərh edib.


 


İqtisadçının sözlərinə görə, görünən odur ki, hərraclarda xarici investitotları cəlb edəcək heç bir müəssisə özəlləşdirilməyə çıxarılmır: 

"Kiçik müəssisələri xarici investitorlar nə etsin? Daha bir məqam isə defakto sahibi olan həmin müəssisələr də dövlətin balansında olsa da, onları işlədən qruplar var idi. Keçirilən hərrac vasitəsilə defakto mülk sahiblərinin müəssisələrinin bir növ rəsmiləşdirilməsi prosesi həyata keçirilir”.

"Bizdə keçirilən hərrac qaydaları heç bir beynəlxalq praktikaya əsaslanmır. Ciddi şəkildə televiziya kanallarında işıqlandırılmır. Aydınlaşdırılmır ki, hərrac hansı qaydalar əsasında keçirilir. Bu proseslər baş vermirsə, biz hansı düzgün şəkildə keçirilən hərracdan danışırıq?”, - deyə ekspert əlavə edib.
 
Daha iri dövlət müəssisələrinin özəlləşdirilməsindən söz açan ekspert, burada maraqların toqquşduğunu vurğuladı: 

"Ciddi xarici investitorlar ölkədə iri şirkətlərin özəlləşdirilməsində maraqlı ola bilərlər. "AZAL”, "Azərsu” ASC kimi qurumların bir hissəsinin özəlləşdirilməsi nümunə kimi göstərmək olar. Xarici investitorlar şəffaf qaydalar istəyir və yeni qaydaların tətbiqini tələb edir. Azərbaycanın Ümumdünya Ticarət Təşkilatına (ÜTT) üzvlüyü, oranın hüququnu qəbul etməsi, gələcəkdə yarancaq problemlərin beynəlxalq məhkəmələrdə həll olunması perspektivi və.s bütün bu məsələlər xarici investitorlar üçün çox vacib məsələlərdir. Ona görə də, Azərbaycan onları cəlb etmək və yaxud da iri şirkətləri özəlləşdirmək istəsə, ciddi struktur və idarəetmə dəyişikliyi etmək lazım olacaq. Hazırda isə bu istiqamətdə addımlar atılmır”.  

Qulu Xəlilov - Əmlak Məsələləri Dövlət Komitəsinin mətbuat katibi

Məsələyə münasibət bildirən Əmlak Məsələləri Dövlət Komitəsinin (ƏMDK) mətbuat katibi Qulu Xəlilov müəssisələrin özəlləşdirilməsinin dövlət proqramı əsasında həyata keçirildiyini bildirdi: 

"Hərraca çıxarılan müəssisələrin ancaq kiçik qurumlar olduğunu deməzdim. Elə müəssisələr var ki, onları Komitə hərraca çıxarır. Ölkə başçısının imzaladığı fərmana uyğun olaraq, elə müəssisələr var ki, onlar nazirlər kabineti tərəfindən hərraca çıxarıla bilər”.  
Komitə rəsmisi daha iri dövlət müəssisələrinin özəlləşdirilməsi sualına cavab verməkdən imtina etdi.  

Qeyd edək ki, prezident İlham Əliyevin dövlət aktivlərinin özəlləşdirilməsi ilə bağlı fərmanından sonra Rusiya mətbuatına açıqlamasında SOCAR-ın özəllədirilməyəcəyini demişdi: 

"SOCAR dövlətin strateji aktivdir. Bu səbəbdən də, onun özəlləşdirilməsindən söhbət gedə bilməz”.

Orxan Aslanlı

www.ann.az
Twitter
Keçid et
Oxşar xəbərlər
Oxşar xəbərlər
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Qızıl və gümüş ucuzlaşıb
İqtisadiyyat 10:05
Qızıl və gümüş ucuzlaşıb
Anews TV

Rəsmi Youtube kanalımız

Abunə ol