• $
  • €
  • ₽
  • ₺
  • £

İşsizlik artacaq - Ekspertdən HƏYƏCAN SİQNALI

İşsizlik artacaq - Ekspertdən HƏYƏCAN SİQNALI
29.05.2020 09:56
"Gələn il Azərbaycanda 33 rayona dotasiya ayrılmayacaq”.

ANN.Az xəbər verir ki, bunu Millət vəkili Vahid Əhmədov "Azərbaycanda kiçik və orta sahibkarlığın inkişafı” adlı konfransda çıxış edərkən deyib. Deputat bu qərarın yeni büdcədə öz əksini tapdığını və bu vaxta qədər 6 rayona dotasiya verilmədiyini qeyd edib.

Yeni büdcə layihəsində müəyyən edilmiş rayonlara dotasiya ayrılmama (dotasiya - dövlət büdcəsindən digər səviyyəli büdcələrə onların gəlir və xərclərini tənzimləmək məqsədilə əvəzsiz verilən maliyyə vəsaitidir) məsələsinin ANN.Az-a iqtisadçı-ekspert Natiq Cəfərli şərh edib.
 

Natiq Cəfərli - iqtisadçı ekspert 

İqtisadçının sözlərinə görə, eyni vaxtda 33 rayonu dotasiyadan məhrum etmək düzgün deyil: 

"Rayonları dotasiyasız yaşamağa çoxdan hazırlamaq lazım idi. Lakin hazırki iqtisadi şərtlərə uyğun olaraq, regionların belə potesial imkanı yoxdur ki, öz-özünü maliyyələşdirə bilsin. Problemin iki həll yolu ola bilər. Birincisi, gələcəkdə vergilərin yerli büdcələrə daxil olması ilə bağlı əlavə qərar qəbul edilsin. Dünya praktikasında da var ki, ticarətdən gələn verginin bir hissəsi yerli, bələdiyyə və regional büdcələrə transfer olunur. Yəqin ki, belə bir qərar qəbul ediləcək. Başqa cür desək, regionların ayaqda qalmasına, özünü maliyyələşdirməsinə imkan yoxdur. İkincisi, bir müddət sonra qərarın dəyişdiyinin şahidi ola bilərik. Dotasiyaların verilməməsi bir çox problem yarada bilər. Bu səbəbdən, büdcədən rayonlara müxtəlif formada dotasiyalar ayrıla bilər”.

"Ehtimallardan biri isə odur ki, Bakıda qeydiyyatdan keçmiş iri şirkətlərin qeydiyyat ünvanı dəyişdirilib. Gələcəkdə həmin müəssisələr regionlarda akkreditə olunaraq vergilərin bir hissəsini orda ödəməklə rayona dəstək ola bilər. Məsələn, Şirvan şəhəri ilə bağlı keçən il belə bir hadisə olmuşdu. Orada bir neçə iri şirkətin qeydiyyatdan keçməsi rayonun büdcəsinin formalaşmasına, dotasiyadan çıxmasına şərait yaratdı. 33 rayonun birdən-birə dotasiyadan məhrum edilməsi çox ciddi sosial problem yarada bilər. Rayonların büdcədən maliyyələşməməsindən birbaşa əziyyət çəkən vətəndaşlar olacaqlar. Çünki rayonun büdcədən formalaşması az əmək haqqı hesabına olsa belə, bir neçə iş yerinin olması demək idi. Dotasiyanın verilməməsi, rayonun öz-özünü maliyyələşdirə bilməməsi bir çox problemlər kimi işsizliyin artmasına da səbəb olacaq”, - deyə ekspert əlavə edib.
 
Qeyd edək ki, 33 rayona dotasiya ayrılmama məsələsi 2017-ci ilin dövlət büdcəsi layihəsində öz əksini tapıb. 

Orxan Aslanlı


www.ann.az
Telegram
Keçid et
Oxşar xəbərlər
Oxşar xəbərlər
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Qızıl və gümüş ucuzlaşıb
İqtisadiyyat 10:05
Qızıl və gümüş ucuzlaşıb
Anews TV

Rəsmi Youtube kanalımız

Abunə ol