• $
  • €
  • ₽
  • ₺
  • £

Türkiyə rəsmisi Bakı Beynəlxalq Dəniz Ticarət Limanından danışdı

Türkiyə rəsmisi Bakı Beynəlxalq Dəniz Ticarət Limanından danışdı
15.12.2016 20:37
"Xəzərin Azərbaycan sahillərində salınan azad ticarət və xüsusi iqtisadi zona təkcə Azərbaycan üçün deyil, Türkiyə iqtisadiyyatı üçün də böyük faydalar verəcək”.

ANN.Az xəbər verir ki, bunu Publika.az-a açıqlamasında Türkiyənin Xarici İşlər Nazirliyinin (XİN) mətbuat katibi Hüseyn Müftüoğlu bildirib.

XİN rəsmisi deyib ki, hazırda Türkiyə sözügedən layihədə yaxından iştirak edən ölkələrdən biridir.

Onun sözlərinə görə, Yeni Bakı Beynəlxalq Dəniz Ticarət Limanı yaxın illərdə Dubayda olduğu kimi, regionun nəhəng azad ticarət zonasına çevriləcək:

"Son illər Azərbaycanda müasir və qlobal infrastruktur layihələri həyata keçirilir. Bu layihələrdən bəzilərində Türkiyə şirkətləri də yaxından iştirak edirlər. Yaxın vaxtlarda istifadəyə veriləcək Bakı-Tbilisi-Qars dəmiryolu xətti layihəsi də Azərbaycan ilə Türkiyə qardaşlığının birgə işidir. Bu baxımdan, Yeni Bakı Beynəlxalq Dəniz Ticarət Limanı da Türkiyə ilə Azərbaycan arasında ticarət əlaqələrini daha da artıracaq. Digər tərəfdən isə bu beynəlxalq layihə Türkiyənin Orta Asiya və Rusiya bazarına çıxışı üçün sərfəli imkanlar yaradır. Təbii ki, Türkiyə bu cür layihələrə hər zaman dəstək verəcək”.

Hüseyn Müftüoğlu qeyd edib ki, Azərbaycanda gedən inkişaf qardaş ölkə olaraq, Türkiyəni hər zaman sevindirir:

"Biz Azərbaycanı Cənubi Qafqazın lider ölkəsi hesab edirik. Bu gün Azərbaycanda həyata keçirilən iqtisadi islahatlar və nəhəng layihələr onu deməyə əsas verir ki, paytaxt Bakı yaxın gələcəkdə dünyanın ən müasir şəhərləri ilə rəqabət aparacaq”.

Xatırladaq ki, Bakı Beynəlxalq Dəniz Ticarət Limanı ərazisində salınan azad ticarət zonası tipli xüsusi iqtisadi zona 2017-ci ildən etibarən tam fəaliyyətə başlaya bilər. Bakı limanındakı sözügedən iqtisadi zonanın yaxın gələcəkdə Dubay, Honkonq, Şanxay və Sinqapur kimi dünyanın nəhəng nəqliyyat-logistika mərkəzinə çevriləcəyi nəzərdə tutulub.

Bu istiqamətdə lazımi addımlar atılması üçün Prezident İlham Əliyev tərəfindən müvafiq Sərəncam da imzalanıb. Bu sərəncam Bakı Limanının dünyanın məşhur liman mərkəzlərindən birinə çevrilməsinin hüquqi əsasını qoyub, bu işə təkan verib.

www.ann.az
Telegram
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol