• $
  • €
  • ₽
  • ₺
  • £

Azərbaycan və İran kart sistemlərinin inteqrasiyası məsələsini öyrənir

Azərbaycan və İran kart sistemlərinin inteqrasiyası məsələsini öyrənir
21.01.2017 17:16
Azərbaycan və İran iki ölkənin kart sisteminin inteqrasiyası üçün imkanları tədqiq etməyə başlayıblar.
 
Bu barədə Trend-ə Azərbaycanın Mərkəzi Bankından məlumat verilib.

"Bu məsələ hazırda xüsusi ekspert komissiyası tərəfindən tədqiq edilir. Hələ ki, konkret nəticə əldə olunmayıb", - Mərkəzi Bankdan bildiriblər.

Xatırladaq ki, keçən ilin avqust ayında İran prezidenti Həsən Ruhaninin Azərbaycana səfəri çərçivəsində İran Mərkəzi Bankının sədri Vəliullah Seyf və Azərbaycan Mərkəzi Bankının sədri Elman Rüstəmov arasında görüş olub. Görüşün yekununda qarşılıqlı anlaşma haqqında memorandum imzalanıb.

Qarşılıqlı anlaşma haqqında Memorandumun müddəalarına uyğun olaraq, iki ölkənin kart sistemlərinin inteqrasiyası nəzərdə tutulur, yəni bir ölkənin vətəndaşı öz bank kartlarını digər ölkədə istifadə edə biləcək.

Qeyd edək ki, bu ideyanın həyata keçirilməsinin mümkün variantlarından biri İran banklarının Azərbaycan Mərkəzi Bankı tərəfindən yaradılan "Kart Ödənişləri üzrə Milli Şəbəkə"nə qoşulmasıdır. Bu halda İran vətəndaşları Azərbaycan ərazisində bank kartları ilə sərbəst yararlana biləcəklər.

Tehran "Kart Ödənişləri üzrə Milli Şəbəkə"yə qoşulsa, Azərbaycan vətəndaşları da İranda öz bank kartlarından rahat istifadə edə biləcəklər.

Bunun üçün, İranın beynəlxalq Visa və ya Mastercard sistemlərinə qoşulmağa ehtiyacı qalmayacaq. Belə ki, Azərbaycan bank kartları lokal bank sistemi daxilində beynəlxalq kimi yox, lokal kimi fəaliyyət göstərir. Beynəlxalq ödəmələr yalnız o zaman fəaldır ki, kart sahibi xarici ölkədə kartı tətbiq edir. Amma əgər İran bankları "Kart Ödənişləri üzrə Milli Şəbəkə" daxilində fəaliyyət göstərərsə, onda İranda Azərbaycanın bank kartlarını lokal kimi istifadə etmək olacaq.

Bu məsələ iranlı turistlərin Azərbaycana daha çox gəlməsi ilə əlaqədar böyük aktuallıq kəsb edir. Ötən il turistlərin sayı üçdə bir dəfə artıb. Viza rejiminin sadələşdirilməsi ilə əlaqədar, bu il Azərbaycana İslam Respublikasından daha çox turist gələcəyini gözləmək olar.

İran vətəndaşları yanvarın 10-dan Azərbaycana gəlmək üçün vizanı üç gün ərzində elektron formatda rəsmiləşdirə biləcəklər.

Azərbaycanda 32 bank, İranda isə 30 bank fəaliyyət göstərir.

www.ann.az
Twitter
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol