• $
  • €
  • ₽
  • ₺
  • £

Dolların ucuzlaşması benzinin qiymətini aşağı salacaqmı?

Dolların ucuzlaşması benzinin qiymətini aşağı salacaqmı?
10.02.2017 19:00
Bu ilin yanvarın 13-də "Premium Euro-95” markalı benzinin qiyməti bahalaşıb. Bu zaman mətbuat SOCAR-dakı mənbələrə istinadən yazmışdı ki, idxal olunan "Premium Euro-95” , "Super Euro-98” markalı benzinlərin qiyməti bundan sonra dolların məzənnəsinə görə dəyişəcək. 

Yanvarın 13-də dolların rəsmi kursu 1,7867 səviyyəsində idi və benzinin qiyməti bahalaşaraq 1,05 manat olmuşdu. Fevralın 1-də isə qiymət yenidən qalxdı. "A-95” 1,15, "A-98” isə 1,20 oldu. O zaman isə dolların rəsmi məzənnəsi 1,92 manat səviyyəsində müəyyənləşmişdi.

Hazırda dollar manat qarşısında ucuzlaşmağa başlayıb. Rəsmi məzənnə 1,7301-dir.
Bəs belə olan halda "A-95” və "A-98”in qiymətləri düşə bilərmi?

ANN.Az-ın məlumatına görə, "Qafqazinfo” bu sualla Dövlət Neft Şirkətinin (SOCAR) mətbuat xidmətinin rəhbəri Nizaməddin Quliyevə müraciət edib.

N.Quliyev bildirib ki, məsələ onlarlıq deyil: "Benzin satan şirkətlərlə əlaqə saxlamaq lazımdır. Siz bu barədə "SOCAR Petroleum”a müraciət edin”.

"SOCAR Petroleum”dan isə bildirdilər ki, onlar benzini satan şirkətdir, onun idxalı ilə məşğul olmurlar. Ona görə də, qiyməti müəyyən etmirlər.

Bu arada ölkədə fəaliyyət göstərən bir neçə benzin satan şirkətlərlə də əlaqə saxlasaq da, onlardan da eyni cavabları eşitməli olduq.

Ekspert İlham Şaban isə məsələ ilə bağlı bildirib ki, məsələnin obyektiv səbəbləri var:

"SOCAR Azərbaycandan neft məhsullarını Gürcüstana ixrac edir. Vaqonlar boşalır və boş vaqonlara benzini vurub gətirir. Nəticədə nəqliyyat xərcləri, demək olar ki, cüzi olur.
Dolların kursunun yerli bazarda bir neçə gün dəyişməsinin ölkəyə idxal edilən benzinin qiymətinə öz təsirini göstərməsinin isə iqtisadi əsasları yoxdur.

Çünki SOCAR idxal edilən benzini böyük həcmdə alır. Yəni birdən 1 aylıq müqavilə həcmlərini sifariş edir. Adətən, sifarişlər ayın 25 və ya 26-sı baş tutur. Yanvarın 25-də isə ölkədə dolların rəsmi kursu 1,9068 idi.

Siz elə liberal yanacaq bazarı olan Gürcüstanı götürə bilərsiniz. Dünya bazarından və ya yerli valyutanın kursunun dəyişməsindən asılı olaraq qiymətlərin dəyişməsi ayda iki dəfədən çox baş vermir”.

İ.Şaban qeyd edib ki, SOCAR yüksək oktanlı benzinin Azərbaycan bazarına gətirib topdansatışı ilə məşğul olan şirkətdir: 

"Ancaq 1 aprel 2014-cü il tarixindən etibarən yüksək oktanlı benzinlərin Azərbaycanda qiyməti hökumət tərəfindən müəyyənləşdirilmir, bu məsələ bazarın öhdəsinə buraxılıb. Yəni, pərakəndə satış məntəqələrində "Aİ-95” və "Aİ-98” markalı benzinlərin qiymətləri müxtəlif olmalıydı, necə ki, Bakıdakı bütün bazar və dükanlarda eyni malların qiyməti eyni deyil. Ancaq biz bu halı 3 ilə yaxındır ki, təəssüf ki, müşahidə etmirik. Demək ki, yanacaq bazarında hələ də nə rəqabət var, nə də ki bazar qanunları işləyir”.

Onun sözlərinə görə, "Aİ-95”-in qiyməti 2015-ci ilin oktyabr ayından 2016-cı ilin sonuna qədər dəyişməmişdi: 

"Bu il isə qiymət 2 dəfə dəyişdi. Maraqlıdır ki, bu qədər uzun müddətdə SOCAR nəyin hesabına idxal benzinin qiymətini stabil saxlayırdı? Gərək istehlakçılar bunu da fikirləşələr?

Əgər ölkə iqtisadiyyatında stabillik varsa (heç olmasa valyutada) idxalı nə ilə isə kompensasiya etmək olur, yox əgər balans pozulursa, onda "Aİ-95”-in qiyməti qısa zamanda 2 və hətta daha çox arta da bilər. Benzinin qiymətinin düşməsi isə qəlizləşir. Ona görə ki, itirilmiş əvvəlki mövqelərin maliyyə bərpası gedir”.

www.ann.az
Instagram
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol