• $
  • €
  • ₽
  • ₺
  • £

Ötən il sığortaçılar tənzimləyiciyə 1,5 mln. manat ödəyib

Ötən il sığortaçılar tənzimləyiciyə 1,5 mln. manat ödəyib
03.05.2017 19:40
Maliyyə Bazarlarına Nəzarət Palatasının (MBNP) 2016-cı ildə əsas əməliyyat gəlirləri açıqlanıb. "APA-Economics" MBNP-nin açıqladığı maliyyə hesabatına istinadən xəbər verir ki, sığorta və təkrarsığorta şirkətləri ötən il Palataya 1 mln. 465 min manat ödəniş edib.
 
Hesabat dövründə mərkəzləşdirilmiş kredit reyestri üzrə ödənişlərə görə Palataya 755 min manat daxil olub. Beləliklə, ötən il MBNP-nin cəmi əsas əməliyyat gəlirləri 2 mln. 220 min manat təşkil edib.   
 
Qeyd edək ki, qeyri-həyat sığortası üzrə sığortaçılar üçün illik dövri ödənişin maksimum həddi 700 min manat müəyyənləşdirilib. İllik dövrü ödənişin hesablanması mexanizminə gəlincə, daxil olan sığorta və təkrarsığorta haqları 30 milyondan çox olduqda 180.000 + (H – 30 mln)×1% düsturu ilə hesablanacaq. Burada H – ilin əvvəlindən artan yekunla daxil olmuş sığorta və təkrarsığorta haqlarıdır. Məsələn, sığortaçıya ilin əvvəlindən 40 milyon manat sığorta və təkrarsığorta haqları daxil olduğu təqdirdə sığortaçının Maliyyə Bazarlarına Nəzarət Palatasına ödəyəcəyi illik dövrü ödəniş belə hesablanacaq:
 
180.000 + (40.000.000 -30.000.000)×1%=280.000
 
Beləliklə, 40 mln. manat sığorta və təkrarsığorta haqları toplayan sığortaçı Maliyyə Bazarlarına Nəzarət Palatasına 280 min manat illik haqq ödəyəcək.
 
Başqa bir misal, ilin əvvəlindən 100 mln. manat sığorta və təkrarsığorta haqları toplayan sığortaçının Maliyyə Bazarlarına Nəzarət Palatasına ödəyəcəyi illik dövrü ödəniş belə hesablanacaq:
 
180.000 + (100.000.000 -30.000.000)×1%= 880.000
 
Ancaq bu məbləğ maksimum həddi - 700 min manat həddini keçməsinə baxmayaraq 100 mln. manat sığorta haqqı toplayan sığorta şirkəti MBNP-ya 700 min manat ödəniləcək.
 
Qeyri-həyat sığortası üzrə sığortaçıya daxil olan sığorta və təkrarsığorta haqları 10-30 mln. aralığında olduqda, Palataya illik dövrü ödəniş 40.000 + (H - 10 mln. manat)×0.70% düsturu, daxil olan sığorta və təkrarsığorta haqları 10 mln. manatdan az olduqda, H × 0.40% düsturu ilə hesablanacaq. Bütün bu hallarda maksimum 700 min manat həddini nəzərə alınmaqla, illik dövrü ödəniş həyata keçiriləcək.
 
Həyat sığortası üzrə sığortaçılar üçün illik dövri ödənişin maksimum həddi isə 750 min manat  müəyyənləşdirilib. Həyat sığortası üzrə sığortaçıya daxil olan sığorta və təkrarsığorta haqları 30 mln. manatdan çox olduqda, Palataya illik dövrü ödəniş 198.000 + (H - 30 mln)×1.1% düsturu,  daxil olan sığorta və təkrarsığorta haqları 10-30 mln. manat aralığında olduqda, illik dövri ödəniş 44.000 + (H - 10 mln)×0.77% düsturu, daxil olan sığorta və təkrarsığorta haqları 10 mln. manatdan az olduqda, illik dövrü ödəniş H × 0.44% düsturu ilə hesablanacaq. Bütün hallarda həyat sığortası üzrə illik dövrü ödəniş maksimum 750 min manat həddi nəzərə alınmaqla hesablanacaq.

www.ann.az
Twitter
Keçid et
Oxşar xəbərlər
Oxşar xəbərlər
Azərbaycan nefti ucuzlaşıb
İqtisadiyyat 10:30
Azərbaycan nefti ucuzlaşıb
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Anews TV

Rəsmi Youtube kanalımız

Abunə ol