Komitə sədri: Kredit borcları ilə bağlı Milli Məclisə yüzlərlə müraciət daxil olur

Azərbaycanda son 20 ildə aparılmış iqtisadi islahatlar uğurlu olub.
anews.az Report-a istinadən xəbər verir ki, bunu bu gün Bakıda keçirilən "Azərbaycanda mikromaliyyənin gələcəyi: çətinlikləri və imkanlar” adlı V İnvestorlar Yarmarkasında Milli Məclisin İqtisadi siyasət, sahibkarlıq və sənaye Komitəsinin sədri Ziyad Səmədzadə deyib.
Onun sözlərinə görə, bu müddətdə ölkə iqtisadiyyatı sürətlə inkişaf edib, yoxsulluq həddi 51%-dən 6%-ə düşüb.
Bununla belə, Z.Səmədzadə qeyd edib ki, əhalinin böyük qisminin maliyyə qurumlarına, o cümlədən mikromaliyyə təşkilatlarına borclu olması, verilmiş kreditlərin bir hissəsinin vaxtının keçməsi narahatlıq doğurmalıdır: "Kredit borcları ilə bağlı Milli Məclisə yüzlərlə müraciət daxil olur. Bununla bağlı araşdırma aparılmalıdır ki, bəlkə, faizlər yüksək olub, bəlkə, borcalanlar düzgün qiymətləndirilməyib. Elə olsun ki, sabah bir daha problemli kreditlərlə üzləşməyək. Necə oldu ki, mənfəətlə işləyən banklar devalvasiyadan sonra bu vəziyyətə düşdülər, bu məsələlər təhlil edilməlidir. Amma yenə də ölkə iqtisadiyyatı inkişafdadır və tədricən maliyyə göstəriciləri yaxşılaşacaq”.
www.anews.az
Oxşar xəbərlər
Oxşar xəbərlər

İqtisadiyyat 07:41
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq

İqtisadiyyat 16:57
“INMerge 2026” innovasiya sammitinə 94 ölkədən 1300-dən çox startap müraciəti daxil olub






















