• $
  • €
  • ₽
  • ₺
  • £

Telefon qeydiyyatından əldə olunan rüsum hara xərclənir?

Telefon qeydiyyatından əldə olunan rüsum hara xərclənir?
23.02.2019 19:13
Osman Gündüz: "Bu, mobil telefon qaçaqmalçılığını azaltmayıb”

Məlum olduğu kimi, Nazirlər Kabinetinin ölkəyə idxal olunan mobil telefonların qeydiyyat rüsumunu kəskin artırması cəmiyyətdə böyük narazılıqla qarşılanıb. Ötən ilin avqustunda qəbul edilən qərarı həm sadə vətəndaşlar, həm də ekspertlər tənqid edirlər.
Bəs mobil telefonların qeydiyyatı üçün ödənilən dövlət rüsumu hara gedir? 

Anews.az Musavat.com-a istinadən xəbər verir ki, bu suala cavab verən "Multimedia” İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz bildirir ki, Nazirlər Kabinetinin mobil cihazların qeydiyyat rüsumunu 3000 faizədək qaldırılması haqqında qərarı absurddur: "Qərar qəbul edilənədək rüsum 5 manat olub. İndi isə telefon alanlar marka və modelindən asılı olaraq 20 manatdan 150 manatdək qeydiyyat rüsumu ödəməli olurlar. Bəs yığılan dövlət rüsumlarından necə istifadə olunur? Yəni adi bir vətəndaş 50 manat verib düyməli bir telefon alacaqsa onun ödəyəcəyi 20 manat rüsum hara gedəcək ? Nazirlər Kabinetinin bir ay bundan öncə qəbul edilən qərarına görə, bu rüsumlardan 30 faizi Prezidentin Administrasiyasında, Prezidentin İşlər İdarəsində və Prezidentin Xüsusi Tibb Xidmətində işləyən dövlət qulluqçuları, həmçinin Nəqliyyat, Rabitə və Yüksək Texnologiyalar Nazirliyinin işçilərinin sosial müdafiəsini gücləndirmək və maddi təminatını yaxşılaşdırmaq, habelə NRYTN mobil cihazların qeydiyyatı sisteminin saxlanılmasını təmin etmək üçün istifadə ediləcək”.

Ekspertin sözlərinə görə, bu 30 faiz yuxarıda adı çəkilən qurumlar arasında aşağıdakı qaydada bölünəcək :
– 5 faiz Prezidentn Administrasiyasında, Prezidentin İşlər İdarəsində və Prezidentin Xüsusi Tibb Xidmətində işləyən dövlət qulluqçularının sosial müdafiəsini gücləndirmək üçün;

– 25 faiz isə NRYTN işçilərinin sosial müdafiəsini gücləndirmək və maddi təminatını yaxşılaşdırmaq, habelə Nazirliyin mobil cihazların qeydiyyatı sisteminin saxlanılmasını təmin etmək üçün.

Qalan 70 faiz dövlət büdcəsinə köçürülür: "Haızrda Barselona şəhərində növbəti Dünya Mobil Konqresi keçirilir ( Mobile World Congress, MWC) . Məqsəd mobil texnologiyalar və mobil həllər sahəsində ən qabaqcıl texnologiyaları nümayiş etdirmək, yeni mobil və İT trendlər ətrafında müzakirə açmaqdır. Məhz burada ən yeni mobil texnologiyar təqdim olunur və şirkətlər, hökumətlər dərhal onu əldə etmək üçün "vuruşurlar”. Biz isə "kim ən yenisindən istifadə edəcəksə o qədər artıq dövlət rüsumu ödəyəcək” prinsipinə üstünlük veririk”.

O.Gündüz onu da qeyd edir ki, Dövlət Gömrük Komitəsinin son açıqlamalarından bu qərarın mobil telefon qaçaqmalçılığına elə də təsiri olmadığı açıq hiss olunur.

Yeri gəlmişkən, qeyd edək ki, 2018-ci ildə Azərbaycana kommersiya məqsədləri üçün 884 min ədəd mobil rabitə cihazı gətirilib. Bu, ötən ilin müvafiq göstəricisindən 7,9 faiz çoxdur. İdxalçılar smartfon və digər mobil telefonları Çin (578,5 min), Vyetnam (227,8 min) və Hindistandan (73,7 min) alıblar.
2018-ci ildə bir mobil rabitə cihazının bəyan edilən orta qiyməti (107,4 dollar) 27,4 faiz (22,8 dollar) artıb.

www.anews.az
Telegram
Keçid et
Oxşar xəbərlər
Oxşar xəbərlər
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Qızıl və gümüş ucuzlaşıb
İqtisadiyyat 10:05
Qızıl və gümüş ucuzlaşıb
Anews TV

Rəsmi Youtube kanalımız

Abunə ol