• $
  • €
  • ₽
  • ₺
  • £

"AccessBank" gənclərin inkişafına dəstək verən qabaqcıl təşkilat seçilib

"AccessBank" gənclərin inkişafına dəstək verən qabaqcıl təşkilat seçilib
28.05.2020 21:01
AccessBank Azərbaycan Mikromaliyyə Assosiasiyası (AMFA) tərəfindən xüsusi mükafatla təltif olunub.

Təltifetmə mərasimi AMFA-nın 15 illiyinə həsr olunan tədbir çərçivəsində baş tutub. AccessBank "İlin gənclərin inkişafına dəstək verən qabaqcıl təşkilatı" nominasiyası üzrə mükafata layiq görülüb. 

Mükafatlandırma mərasimində iştirak edən AccessBank-ın baş direktoru Elşən Pirmaliyev bildirib ki, həm biznes, həm də sosial baxımdan gənclərin inkişafına dəstək vermək bankın əsas hədəflərindən biridir: "Həyata keçirdiyimiz layihələrə layiqli qiymət verdiyi üçün AccessBank adından AMFA-ya təşəkkür edirəm. Əminliklə deyə bilərəm ki, AccessBank bundan sonra da gənclərlə bağlı reallaşdırılan biznes və sosial yönümlü layihələrə dəstəyini əsirgəməyəcək".

Onun sözlərinə görə, bankın kredit portfelinin 24%-i gənclərə (35 yaşınadək olan şəxslərə) yönəlib. Bundan başqa, bankda çalışan menecerlərin 30%-ni gənclər təşkil edir.

AccessBank-ın PR meneceri İlkin Əhmədov isə gənclərlə bağlı həyata keçirilən layihələrə toxunub. AccessBank-ın elan etdiyi Tələbə Təqaüd Proqramından söz açan İ. Əhmədov deyib ki, layihənin məqsədi yüksək potensiala malik tələbələrə dəstək olmaqdır: "Layihə iştirakçıları arasından seçilən 10 tələbəyə təqaüd kartları təqdim edilib və həmin tələbələrə cari semestr ərzində hər ay 100 manat təqaüd verilir".

Bank rəsmisi əlavə edib ki, AccessBank-ın UNEC-də həyata keçirdiyi "UNEC Business English Conversation Club" layihəsi ən uğurlu layihələrdən biridir: "İki mövsüm davam edən bu layihə olduqca böyük maraqla qarşılanıb və hazırda da "Access Business Talks" adı altında davam etdirilir. Layihə çərçivəsində bankımızın və tərəfdaş təşkilatların mütəxəssisləri tərəfindən tələbələrə iqtisadiyyat, maliyyə və biznes istiqamətləri üzrə görüşlər keçirilir. Həmçinin, tələbələr bankda təcrübə keçmək imkanı qazanır, yekunda isə onlara sertifikat təqdim olunur".

PR menecer onu da bildirib ki, AccessBank-ın "ASAN könüllüləri" təşkilatı ilə birgə reallaşdırdığı "ASAN İnkişaf Modeli" (AİM) layihəsi də böyük marağa səbəb olub. Layihə çərçivəsində müxtəlif regionlarda, o cümlədən Bakıda 2000 yaxın şagirdə özünəinam və düzgün ixtisas seçimi üzrə təlimlər keçirilib.

O xatırladıb ki, ötən il AccessBank-ın sponsorluğu ilə fiziki məhdudiyyəti olan gənc aktyorlardan ibarət ilk və yeganə teatr olan ƏSA-nın "Adamlar və siçanlar" tamaşası nümayiş olunub.

Bank rəsmisinin sözlərinə görə, hazırda da AccessBank-da gənclərin inkişafına yönəlmiş bir neçə layihə reallaşdırılır: "Bu yaxınlarda biz bank sahəsində karyera qurmaq istəyən gənclər üçün "Access Bankirlər Məktəbi" layihəsinə start verdik. Bununla yanaşı, AccessBank bütün təhsil müəssisələrinin tələbələri arasında marketinq mövzusunda müsabiqə elan edib. Müraciətlər qiymətləndirildikdən sonra 12 komanda seçiləcək, ilk 3 yeri tutmuş komandalar bankda təcrübə keçmək imkanı, sertifikat və pul mükafatı əldə edəcəklər".
 






www.anews.az
Telegram
Keçid et
Oxşar xəbərlər
Oxşar xəbərlər
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Qızıl və gümüş ucuzlaşıb
İqtisadiyyat 10:05
Qızıl və gümüş ucuzlaşıb
Anews TV

Rəsmi Youtube kanalımız

Abunə ol