• $
  • €
  • ₽
  • ₺
  • £

Palma yağları ilə bağlı rəsmi açıqlama - məişət üçündürsə...

Palma yağları ilə bağlı rəsmi açıqlama - məişət üçündürsə...
20.05.2019 16:30

Son 5 ildə Azərbaycana 28,5 milyon dollar dəyərində 47,6 min ton palma yağı idxal olunub və bu yağların əhaliyə kərə yağı altında satılması güman edilir, bunu  "Facebook" səhifəsində iqtisadçı ekspert Vahid Məhərrəmov bildirib. 

Ekspert bu qədər yağın kərə yağı, yağlı pendir, qaymaq, bitki yağı, dondurma, yağlı süd, xama şəklində istehlak edildiyini istisna etməyib.

"Gətirilən palma yağının hansı məhsulun istehsalında istifadə edilməsi açıqlanmır, çox güman ki, palma yağı kərə yağı adı altında istehlakçılara satılır" - deyə ekspert əlavə edir.

Məsələyə münasibət bildirən Qida Təhlükəsizlik Agentliyinin şöbə müdiri Mansur Piriyev bildirdi ki, Azərbaycana idxal olunan bütün qida məhsulları risk əsaslı nəzarət tədbirlərinə cəlb olunur və onların müvafiq qanunvericiliyə uyğun şəkildə yoxlanışı həyata keçirilir.

Mansur Piriyevin sözlərinə görə, palma yağı və tərkibində  palma yağı olan məhsullara da baxış keçirilir, əgər onlar standartlara uyğundurlarsa, idxalına icazə verilir.

"Palma yağları həm texniki vasitələr üçün, həm də məişətdə istifadə etmək üçün istehsal  olunur. Məişət üçün istehsal olunan palma yağlarının sağlamlığa zərər verməsi ilə bağlı heç bir elmi əsas yoxdur. Bu yağlardan istifadə etmək uyğundur. Amma söhbət texniki vasitələr üçün nəzərdə tutulan palma yağlarından gedirsə, təbii ki, bunların məişətdə istifadəsi yolverilməzdir” – deyə Mansur Piriyev bildirib.

Onun sözlərinə görə, hətta məişət üçün nəzərdə tutulan palma yağı da 200 dərəcə istilikdə qızdırıldıqdan sonra insan orqanizminə ziyanlı olur.

Agentlik rəsmisi bildirib ki, bütün bunlara baxmayaraq, əgər kimsə palma yağlarının tərkibi ilə bağlı hər hansı bir narahatlıq keçirərsə, agentliyin qaynar xətti var, ora müraciət etsin, hardan alması ilə bağlı məlumat versin və bir daha həmin məhsul labarator müayinəyə cəlb olunsun, nəticələrə uyğun olaraq həmin vətəndaşa məlumat veriləcək.
 
Həzi

www.anews.az
Instagram
Keçid et
Oxşar xəbərlər
Oxşar xəbərlər
BTC ilə 21,1 milyon ton neft nəql olunub
İqtisadiyyat 16:45
BTC ilə 21,1 milyon ton neft nəql olunub
Azərbaycanda qızıl hasilatı 6,6% artıb
İqtisadiyyat 16:32
Azərbaycanda qızıl hasilatı 6,6% artıb
Azərbaycanda neft hasilatı 3,5% azalıb
İqtisadiyyat 16:29
Azərbaycanda neft hasilatı 3,5% azalıb
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
İqtisadiyyat 15:43
Azercell-in “30 il səninlə” lotereyasında daha 14 abunəçi iPhone 17 Pro, 2 abunəçi isə Toyota Corolla Cross qazandı!
Noyabrın pensiya ödənişləri yekunlaşıb
İqtisadiyyat 13:27
Noyabrın pensiya ödənişləri yekunlaşıb
10 ayda DSMF 1 milyon 155 min şəxsə müavinət və təqaüd ödəyib
İqtisadiyyat 11:45
10 ayda DSMF 1 milyon 155 min şəxsə müavinət və təqaüd ödəyib
ASCO quru yük tranzit daşımalarını 2 dəfədən çox artırıb
İqtisadiyyat 11:32
ASCO quru yük tranzit daşımalarını 2 dəfədən çox artırıb
ABB DAVR-a lisenziya verildi
İqtisadiyyat 11:29
ABB DAVR-a lisenziya verildi
Qızıl və gümüş ucuzlaşıb
İqtisadiyyat 10:05
Qızıl və gümüş ucuzlaşıb
Anews TV

Rəsmi Youtube kanalımız

Abunə ol