• $
  • €
  • ₽
  • ₺
  • £

Banklar ilin xarici valyutanın nağd alqı-satqısını 38% artırıb

Banklar ilin xarici valyutanın nağd alqı-satqısını 38% artırıb
22.08.2022 15:18
2022-ci ilin yanvar-iyununda Azərbaycanda banklar ümumilikdə 2,6 milyard ABŞ dolları məbləğində nağd xarici valyutanın alqı-satqısı üzrə əməliyyatlar həyata keçirib ki, bu da 2021-ci ilin eyni dövrü ilə müqayisədə 38,2% çoxdur.

"Hesabat dövründə bankların nağd xarici valyutanın alqı-satqısı üzrə əməliyyatlarının həcmi 2,6 milyard ABŞ dolları təşkil edib ki, bunun da 87,6 faizi ABŞ dollarının payına düşüb”, - deyə Mərkəzi Bankdan bildirilib.

Eyni zamanda, 2022-ci ilin birinci rübündə belə əməliyyatların həcmi 1,2 milyard dollar, ikinci rübdə isə 1,4 milyard dollar təşkil edib.

Mərkəzi Bank qeyd edib ki, bu ilin birinci rübündə nağd xarici valyuta satışının yüksək olması səbəbindən 6 ayda nağd xarici valyutanın xalis satışı 40,8% artıb. Eyni zamanda, aprel-iyun aylarında vəziyyət dəyişib və banklar tərəfindən valyuta alışı satışı üstələyib.

Mərkəzi Bank vurğulayıb ki, 2022-ci ilin birinci yarısında Azərbaycanda nağdsız valyuta bazarının həcmi 14,6 milyard dollar təşkil edib (2021-ci ilin yanvar-iyun ayları ilə müqayisədə 20% artım ).
 
"Valyuta bazarında aparılan əməliyyatların 84,9%-i dolların, 15,1%-i isə digər valyutaların payına düşüb”, - Mərkəzi Bank bildirilib.

Mərkəzi Bankdan verilən məlumata görə, nağdsız valyuta əməliyyatlarının 28,4 faizi banklararası valyuta bazarında, 71,6 faizi isə bankdaxili valyuta bazarında aparılıb.

Yarım il ərzində banklararası valyuta bazarında əməliyyatların 98,7%-i ABŞ dolları ilə aparılıb. "Hesabat dövründə əməliyyatların həcmi ötən ilin müvafiq dövrü ilə müqayisədə 16,7% artaraq 4,2 milyard dollar ekvivalentində olub. Banklararası valyuta bazarında valyuta əməliyyatlarının dövriyyəsi əsasən Bloomberg platformasında aparılan əməliyyatlar hesabına formalaşıb.

Bankdaxili valyuta bazarında aparılan valyuta əməliyyatlarının həcmi 10,5 milyard ABŞ dolları (artım 22,1%) ekvivalentində olub ki, bunun da 79,4 faizi ABŞ dolları ilə aparılıb. Bankdaxili valyuta bazarında aparılan valyuta əməliyyatlarının 93,1 faizi hüquqi şəxslərlə aparılan əməliyyatların payına düşüb.
 
 
N.Təbrizli

www.anews.az
Twitter
Keçid et
Oxşar xəbərlər
Oxşar xəbərlər
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq
İqtisadiyyat 07:41
Abşeron” layihəsinin ikinci fazası çərçivəsində qazma işlərinə 2027-ci ilin martında başlanılacaq
ABŞ-ın iri banklarının müştəriləri xidmətlərdə texniki nasazlıqlarla üzləşiblər
İqtisadiyyat 07:34
ABŞ-ın iri banklarının müştəriləri xidmətlərdə texniki nasazlıqlarla üzləşiblər
“INMerge 2026” innovasiya sammitinə 94 ölkədən 1300-dən çox startap müraciəti daxil olub
İqtisadiyyat 16:57
“INMerge 2026” innovasiya sammitinə 94 ölkədən 1300-dən çox startap müraciəti daxil olub
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub
İqtisadiyyat 16:24
“PAŞA Holding”in dəstəyi ilə Azərbaycan xalçaları Bolqarıstanda nümayiş olunub
TAP kəməri ilə Avropaya nəql olunan qazın həcmi açıqlanıb
İqtisadiyyat 16:00
TAP kəməri ilə Avropaya nəql olunan qazın həcmi açıqlanıb
ABB ölkəmizdə insan kapitalını araşdırdı
İqtisadiyyat 12:52
ABB ölkəmizdə insan kapitalını araşdırdı
Birbank hərbçilər üçün nağd kreditdə 5%-dək güzəşt təqdim edir
İqtisadiyyat 12:49
Birbank hərbçilər üçün nağd kreditdə 5%-dək güzəşt təqdim edir
Kazımov maliyyə sektorunun yeni inkişaf strategiyasını açıqlayıb
İqtisadiyyat 12:35
Kazımov maliyyə sektorunun yeni inkişaf strategiyasını açıqlayıb
Taleh Kazımov: Bank sektorunda kredit portfeli 10 ayda 14 faiz artıb
İqtisadiyyat 12:31
Taleh Kazımov: Bank sektorunda kredit portfeli 10 ayda 14 faiz artıb
Anews TV

Rəsmi Youtube kanalımız

Abunə ol