Rusiya şirkətlərinin Qarabağa marağı artıb
15.07.2024 17:47
Azərbaycanın İqtisadiyyat Nazirliyinə Rusiya şirkətlərindən Qarabağ və Şərqi Zəngəzurda işləmək üçün 24 layihə üçün müraciət daxil olub. Bunu Qafqaz İnvestisiya Forumu çərçivəsində "Avrasiyadakı tərəfdaşlarla beynəlxalq əməkdaşlığın inkişafı üçün Qafqazın rəqabət üstünlükləri” adlı dəyirmi masada çıxış edən respublika iqtisadiyyat nazirinin müavini Sahib Ələkbərov deyib.
"Biz Rusiya şirkətlərinin işğaldan azad edilən ərazilərdəki layihələrdə fəal iştirakını gözləyirik ki, bu, şübhəsiz [Azərbaycan və Rusiya arasında tərəfdaşlıq əlaqələrinin daha da möhkəmlənməsinə töhfə verəcək. İndiyədək Azərbaycanın İqtisadiyyat Nazirliyinə işğaldan azad edilən ərazilərdə işləmək üçün Rusiya şirkətlərindən 24 layihə üçün müraciət daxil olub”, - Sahib Ələkbərov bildirib.
Nazir müavini vurğulayıb ki, orada fəaliyyət göstərən şirkətlərə "çox əlverişli güzəştlər” verilir.
İqtisadiyyat Nazirliyinin verdiyi məlumata görə, Qarabağ və Şərqi Zəngəzurda işəmək üçün şirkətlərdən 2100 layihə təklifi gəlib. Onlardan 220-i hazırda fəaliyyətdədir.
N.Təbrizli
www.anews.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
