Sumqayıt teatrında “Cəsur dərzi”

Sumqayıt Dövlət Dram Teatrında Qrimm qardaşlarının nağılları əsasında səhnələşdirilən "Cəsur dərzi” tamaşasına daxili baxışı keçirilib.
Sumqayıt teatrının mətbuat xidmətindən "Report"a verilən məlumata görə, tamaşanın quruluşcu rejissoru Vasif Məmmədovdur.
Tamaşanın sujet xəttində ədalətsizliyə qarşı ağılla mübarizə və qəti qələbə dayanır. Belə ki, uzaq bir ölkədə vəhşi məxluqların tutduğu divanın qarşısında hər kəs aciz qalır. Yalnız cəsarətli gənc dərzi öz ağlı ilə insanları bu bəladan qurtara bilir.
Rollarda əməkdar artist Ulduzə Nəsir, aktyorlar İlqar İbrahimov, İlham Səfərli, İlahə Səfərova ilə yanaşı, teatrın nəznində fəaliyyət göstərən aktyor studiyasının üzvləri də epizodik rollarda çıxış edir.
Daxili baxışdan sonra keçirilən müzakirədə teatrın direktoru İslam Həsənov, baş rejissor əməkdar artist Firudin Məhərrəmov, əməkdar artist İzaməddin Bağırov, Fəranə Musayeva, baş rejissorun truppa üzrə köməkçisi Zöhrəli Əliyev çıxış edib.
Ümumilikdə bu nağıl-tamaşanın sumqayıtlı uşaqlara maraqlı hədiyyə olacağı bildirilib və tamaşada olan qüsurlardan da, danışılıb. Tamaşada çatışmayan cəhətlərin düzəldilməsi quruluşçu rejissora tövsiyyə olunub.
Xatırladırıq ki, "Cəsur dərzi" tamaşasının premyerası noyabrın 6-da olacaq.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















