"Qara kvadrat" rəsminin altından sürpriz çıxdı

Dünya incəsənətinin tarixi bölgüsünə təsir etmiş qalmaqallı bir rəsmdə - Kazimir Maleviçin "Qara Kvadrat” əsərində rəssamın xəttilə bir yazı, rəsmin yuxarı hissəsində boyanın altında isə başqa iki boya qatı (və ya rəsm) aşkar olunub.
Rusiya Dövlət Tretyakovski Qalereyasının üç rentgen mütəxəssisinin apardığı bu təhqiqat rəsmin çəkilməsindən düz 100 il sonra rəsmsevərləri heyrətə salacaq.
Qalereyanın elmi ekspertiza şöbəsinin əməkdaşı bu haqda ilk dəfə "Kultura” telekanalında danışıb:
"Biz sübut etdik ki, bu rəsmin altında başqa rəsmlər var. İlk baxışdan kubofuturist rəsm görürsünüz. Onun altında isə yalnız xüsusi cihazla görünən rəngli rəsm var. Bu, protosuprematik əsərdir.”
Yazıya gəlincə, tədqiqatçılar Maleviçin öz xətti olduğunu təsdiq ediblər.
Yazı rus dilindədir və belədir:
"Битва негров в темной пещере” ("Qaranlıq mağarada qaradərililərin savaşı”)
Bu sözlər 1882-ci ildə fransız jurnalist, yazıçı və rəssam Alfons Allenin çəkdiyi "Dərin gecədə qaranlıq mağarada qaradərililərin savaşı” əsərinin adına göndərmədir. Onun əsəri düzbucaqlı üçbucaq idi.
Tədqiqatçılar deyirlər ki, Maleviçin çox mürəkkəb, dolaşıq xətti var. "N”, "P”, "İ” hərflərini demək olar ki, eyni cür yazır. Hazırda yazıdakı ikinci söz üzərində dəqiqləşdirmə gedir. /Azadliq.org
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















