“Yüksəliş” filmi Moskvada

Moskvanın Kosmonavtika müzeyində görkəmli alim-konstruktor, SSRİ Kosmik Uçuşlar üzrə Dövlət Komissiyasının sədri general-leytenant Kərim Kərimovun xatirəsinə həsr olunan "Yüksəliş” sənədli filminin təqdimatı keçirilib.
"Report" xəbər verir ki, bu barədə məlumatı Mədəniyyət və Turizm Nazirliyi yayıb.
Mədəniyyət və Turizm Nazirliyi və Azərbaycanın Rusiyadakı səfirliyinin təşkilatçılığı ilə keçirilən tədbirdə kosmonavtika sahəsinin tanınmış şəxsiyyətləri – təyyarəçi-kosmonavtlar, iki dəfə Sovet İttifaqı Qəhrəmanları Viktor Qorbatko, Viktor Savinıx, Aleksandr İvançenkov, Aleksandr Aleksandrov, Sovet İttifaqı Qəhrəmanları Aleksandr Kalerin, Vladimir Djanibekov, Anatoli Arzebarski, eləcə də Moskva ictimaiyyəti nümayəndələri və Azərbaycan diaspora təmsilçiləri iştirak edib.
Tədbirdə çıxış edənlər arasında sovet kosmonavtikasının banisi Sergey Korolyovun qızı – professor, SSRİ Dövlət mükafatı laureatı Natalya Korolyova Kərim Kərimov haqqında xoş xatirələri ilə bölüşüb. O, "Yüksəliş” filminin Bakıda təşkil olunan təqdimatı barədə tamaşaçıları məlumatlandırıb və Azərbaycanın inkişafı və qonaqpərvərliyi barədə tədbir iştirakçılarına ürəkdolusu danışıb.
Nazirlikdən bildirilib ki, bu günlərdə Rusiya paytaxtında "Yüksəliş” filminin daha bir neçə nümayişi keçiriləcəkdir.
Filmin müəllifi, xalq artisti, rejissor Vasif Babayevdir.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















