Şəki Teatrında "Vaqif" tamaşasının premyerası
29.05.2020 11:26
Sabit Rəhman adına Şəki Dövlət Dram Teatrında Səməd Vurğunun "Vaqif" dramının motivləri əsasında hazırlanan eyniadlı tamaşanın premyerası olub.
Bu barədə "Report"a Şəki Dövlət Dram Teatrının aktyoru, əməkdar artist Xanlar Həşimzadə məlumat verib.
Tamaşa Şəki Teatrının keçmiş rejissoru, hazırda Moskvada fəaliyyət göstərən "Dərviş" Teatrının rəhbəri Mərdan Feyzullayevin quruluşunda hazırlanıb.
Tamaşanın nəsrlə olan hissələrini Mərdan Feyzullayev, nəzmlə olan parçalarını isə Vaqif Aslan yazıb.
Tamaşada Vaqif obrazını əməkdar artist Əbülfət Salahov, Qacar obrazını əməkdar artist Xanlar Həşimzadə ifa edir. Xanlar Həşimzadə tamaşanın maraqlı alındığını deyib: "Səməd Vurğunun "Vaqif" dramından fərqli olaraq bu tamaşada Ağa Məhəmməd şah Qacar obrazı fərqli təqdim olunub. Bu tamaşada Qacara yeni baxış verilib. Əsərdə "Qarabağnamə"lərdən də istifadə edilib. Tamaşamızda maraqlı cəhətlərdən biri də, əsərdə heç bir qadın personajının olmamasıdır. Tamaşamızın aktyor heyəti kişilərdən təşkil edilib".
Qeyd edək ki, Şəki Teatrının kişi truppasının ifasında nümayiş etdirilən tamaşada Təlxək obrazını əməkdar artist İqrar Salamov ifa edib. Yeni tamaşanın gələcəkdə Bakıda nümayiş etdiriləcəyi nəzərdə tutulub.
www.ann.az
Youtube
Bizi Youtube-da izləyin
Oxşar xəbərlər
Oxşar xəbərlər
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 
Foto
Video
