Xalça muzeyində “Zərgərlik inciləri” bölməsi açıldı - FOTOLAR
29.05.2020 03:17
"Beynəlxalq Muzeylər Günü” münasibətilə Azərbaycan Xalça muzeyinin kolleksiyasında "Zərgərlik inciləri” adlı ekspozisiya bölməsi açılıb.
ANN.Az xəbər verir ki, ekspozisiyada fondda saxlanılan 800-ə yaxın eksponatın bir qismi nümayiş olunur.
Zərgərlik nümunələrinin böyük hissəsi XIX əsrin sonu, XX əsrin əvvəllərinə, digərləri isə daha qədimlərə - eramızdan əvvəl IV-II minilliklərin tunc dövrünə aid edilir. Əsərlərin böyük hissəsini zinət əşyaları təşkil edir. Sərgidə həmçinin məişət əşyaları və zərgərlik sənətinin müxtəlif texnikaları ilə işlənmiş soyuq silah növləri də yer alıb.
Zərgərlik fondunda saxlanılan nümunələr Azərbaycanın müxtəlif bölgələrini əhatə edir. Sənət əşyaları həkketmə, şəbəkə, tökmə, basma, qarasavad, minasazlıq və başqa texnikalarla hazırlanıb.
Muzeyin "Zərgərlik inciləri” bölməsində sərgilənən əşyaların fotolarını təqdim edirik:
Gümüşdən hazırlanan "Başlıq", XIX əsr
Şəbəkə üsulu ilə gümüşdən hazırlanan kəmər, XX əsrin əvvəli
Cızma, qarasavad, basma üsulu ilə gümüşdən hazırlanan kəmər, XX əsrin əvvəli
Cızma üsulu ilə gümüşdən hazırlanan vaza, XIX əsr
Ştamp üsulu ilə gümüşdən hazırlanan toqqa, XX əsrin əvvəli
Şəbəkə üsulu ilə gümüşdən hazırlanan Sinəbənd - asma, XX əsrin əvvəli
Ştamp üsulu ilə gümüşdən hazırlanan bəzək əşyası, XX əsr
Cızma üsulu ilə qiymətsiz metaldan hazırlanmış qutular, XIX əsrin sonu
Ştamp üsulu iləgümüşdən hazırlanmış toqqa, XX əsr
Twitter
Bizi Twitterdə izləyin
Oxşar xəbərlər
Oxşar xəbərlər
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 
Foto
Video
