İran filmi Kann festivalında mükafat qazandı

Fransada keçirilən 69-cu Kann Film Festivalında İran kinematoqrafçılarının istehsal etdiyi "Satıcı" filminin ssenarisi "Ən yaxşı ssenari", filmdə baş rolun ifaçılarından biri Seyid Şəhabəddin Hüseyni isə "Kişi rolunun ən yaxşı ifaçısı" mükafatını alıb.
"Report" xəbər verir ki, bu haqda İran KİV-i məlumat yayıb.
Məlumata görə, "Satıcı" filmi Əsgər Fərhadinin 7-ci tammetrajlı ssenarisi hesab olunur. Bu kino ötən il çəkilib və Ə.Fərhadinin festivala vəsiqə qazanan son filmi olub.
Seyid Şəhabəddin Hüseyni ilə yanaşı, Təranə Əlidusti, Babək Kərimi və Mina Sadati də bu filmin baş rollarının ifaçılarındandırlar.
"Satıcı" bədii filmi bir cütlüyün həyatından bəhs edir. Cütlük satıcı Artur Millerin ölüm ssenarisini oynayır. Ahu adlı qadının yaşadığı mənzilə köçdükdən sonra onların araları dəyir və mübahisə yaranır.
Bu film "Müştəri" adı ilə 69-cu Kann Film Festivalında təqdim olunub.
Əsgər Fərhadi ən yaxşı ssenari mükafatını aldıqdan sonra deyib: "Filmlərim şən filmlər deyil. Amma sevinirəm ki, mükafatımla İran xalqını, yaxud ən azı bir hissəsini sevindirirəm".
Festivalın "Ən yaxşı film" adına isə britaniyalı rejissor Ken Louçun "Mən, Daniel Bleyk" filmi layiq görülüb.
Qeyd edək ki, İranlı rejissor, ssenarist, prodüser Əsgər Fərhadi 1972-ci ildə İsfahan əyalətinin Homeynşəhr şəhərciyində anadan olub.
"Satıcı"dan əvvəl Ə.Fəhadi "Əli", "Ayrılıq" və "Keçmiş" adlı filmlər də çəkib. Onun "Nadirin Simindən Ayrılığı" adlı filmi "Oskar"dan başqa, həmçinin 2011-ci ildə "Qızıl Qlobus", Berlin Beynəlxalq Film Festivalında ən yaxşı film nominasiyasında "Qızıl Ayı", ən yaxşı aktyor və ən yaxşı aktrisa nominasiyasında "Gümüş Ayı" mükafatlarını qazanıb.
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















