Bakıda Cakomo Puççininin “Boqema” operası göstəriləcək

Opera Ukrayna, Belarus və yerli vokal ustalarının ifasında oynanılacaq
Teatr mövsümünün son ayına qədəm qoyan Opera və Balet Teatrında iyun ayı ərzində sənətsevərlərə bir neçə maraqlı tamaşa təqdim olunacaq.
Akademik Opera və Balet Teatrından "Report"a daxil olan xəbərə görə, iyunun 11-də Ukrayna, Belarus və yerli vokal ustalarının ifasında tamaşaçılara Cakomo Puççininin "Boqema” operası göstəriləcək.
Ukrayna Milli Operasının solisti, xalq artisti Olqa Naqornaya bu tamaşada əsas partiyalardan birini - Mimi partiyasını, Belorus Akademik Böyük Opera və Balet Teatrının solisti, Belorusun əməkdar artisti Vladimir Qromov isə Marsel rolunda çıxış edəcək.
Tamaşada həmçinin Azərbaycan Opera və Balet Teatrının aparıcı solistləri - xalq artisti Əli Əsgərov (Alsindor), əməkdar artistlər Fərid Əliyev (Rudolf), İnarə Babayeva (Müzetta), Anton Ferştandt (Kollen), solistlərdən Tural Ağasıyev (Şonar), Firuz Məmmədov (Benua) və Fəhmin Əhmədli (Parpinol) də rol alıblar.
Tamaşanın dirijoru Azərbaycanın xalq artisti, professor Cavanşir Cəfərovdur.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















