Musiqili Teatrın Şamaxı səfəri başa çatdı

Azərbaycan Dövlət Musiqili Teatrı Şamaxı rayonunda qastrol səfərində olub.
Dövlət Musiqili Teatrının Mətbuat katibi Samir Sədaqətoğlu bildirib ki, 22 iyun tarixində baş tutan səfər zamanı Şamaxı tamaşaçılarına Faiq Sücəddinov və Tamara Vəliyevanın "Mən dəyərəm min cavana” iki hissəli musiqili komediyası təqdim edilib. Şamaxı rayon Mədəniyyət Mərkəzində nümayiş olunan səhnə əsəri tamaşaçıların böyük marağına səbəb olub. Maraqlı və komik hadisələrlə zəngin olan tamaşanın quruluşçu-rejissoru Yusif Əkbərov, quruluşçu-dirijoru Əməkdar incəsənət xadimi Nazim Hacıəlibəyov, quruluşçu rəssamı Əməkdar rəssam İsmayıl Məmmədov, quruluşçu-baletmeysterləri Yelena və Zakir Ağayevlər, dirijoru Fəxrəddin Atayev, xormeysteri Əməkdar artist Vaqif Məstanovdur.Tamaşada rolları Xalq artisti, "Şöhrət” ordenli İlham Namiq Kamal, Əməkdar artistlər Ələkbər Əliyev, Nahidə Orucova, Səidə Şərifəliyeva, Əkbər Əlizadə, aktyorlar Ülviyyə Əliyeva, Gülçöhrə Abdullayeva, Elçin İmanov, Gültac Əlili, Elxan İsmayılov, Elnarə Nağdəliyeva və Ruslan Mürsəlov ifa ediblər.
Qeyd edək ki, son bir ay ərzində Azərbaycan Dövlət Musiqili Teatrı O. Zülfüqarov və R. Heydərin "Dəcəl çəpişlər” iki hissəli musiqili nağıl-tamaşası ilə Masallı rayonunda, V. Ulanovski və V. Orlovun "Qızıl cücə” iki hissəli musiqili nağıl-tamaşası ilə isə Xaçmaz rayonunda çıxış edib.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















