Bir şəklin tarixçəsi

Çoxları bu şəklin yaranma tarixindən xəbərsizdir
ANN.Az xəbər verir ki, məşhur türkiyəli aktyor Tarik Akan, azərbaycanlı sənətkarlar Həsən Məmmədov və Rasim Balayevin yer aldığı şəkil çoxlarının marağına səbəb olub.
İllərdir xüsusən sosial mediada yayılan bu şəklin yaranma tarixçəsi çoxlarına məlum deyil. Sözügedən fotoşəkil 1976-cı ildə Özbəkistanda çəkilib. Paytaxt Daşkənddə təşkil olunan Beynəlxalq Film Festivalına qatılan Tarik Akan azərbaycanlı aktyorlarla söhbət etməyə başlayıb. Həsən Məmmədov və Rasim Balayev Tarik Akanla danışdığı məqamda yerli fotoqraflarda biri bu anı tarixə həkk edib.
Həmin festivalda "Bizim ailə" filmini təmsil edən Akan ölkəsinə Daşkənd Film Festivalının İşçi Konfederasiyası Xüsusi Mükafatı ilə qayıdıb.
Xatırladaq ki, bu gün səhər saatlarında məşhur türk aktyor Tarık Akan vəfat edib.
Bu barədə məlumatı Nazim Hikmət adına Kültür və Sənət Vəqfi yayıb.
Bir müddət öncə ağciyər xərçəngindən əziyyət çəkən 66 yaşlı məşhur türk aktyor Tarık Akanın vəziyyətinin ağır olduğu və reanimasiyaya yerləşdirildiyi barədə xəbərlər yayılmışdı.
Qeyd edək ki, T.Akan 1971-ci ildə başlayan aktyorluq karyerasında 111 filmdə və 4 serialda rol alıb.
www.ann.az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Son xəbərlər 
Daha çox 



















