• $
  • €
  • ₽
  • ₺
  • £

Hacıbaba Bağırovun həyat yoldaşı kimlərdən narazıdır?

Hacıbaba Bağırovun həyat yoldaşı kimlərdən narazıdır?
12.06.2014 14:10
Bu gün əfsanəvi mərhum sənətkar, xalq artisti Hacıbaba Bağırovun dünyaya gəldiyi gündür. 
1932-ci ilin iyun ayının 12-də Bakıda anadan olan sənətkarın həyat yoldaşı Arzu Bağırova AzNews.az-a bildirib ki, yaxın çevrədəki insanlarla və sənətkarın bəzi sənət yoldaşlarıyla onun doğum gününü qeyd edəcəklər:
“İndi hər il olduğu kimi qəbir üstünə getməyə hazırlaşırıq. Qəbirüstündən gələndən sonra anam halva bişirəcək. Axşam da bütün yaxınlarımız onun doğum gününü mütləq qeyd edirik.
Teleaparıcı Rövşanə Bektaşi, əməkdar artistlər Nahidə Orucova, Çingiz Əhmədov xanımıyla gələcək. Çingiz Əhmədov bizim ailə adamımızdır. Onlar bizim hər işimizdə yanımızdadırlar. Bunlardan başqa kiminsə adını dəqiqliklə çəkə bilmərəm. Əvvəl rəhmətlik Elçin Həmidov, Lütfiyyə Səfərova gəlirdilər. Amma bütün teatr adamları bilir ki, hər il onun ölüm və doğum günündə qapımız və süfrəmiz açıq olur. Bunu özlərinə də demişəm. 
Hacı dostlarına qarşı tamam başqa insan olub kömək əlini uzadıb. Hətta elə olub ki, öz rollarını da onlara verib”.
Arzu Bağırova bildirib ki, xalq artistinin doğum günündə vaxtilə direktoru və bədii rəhbəri oduğu Dövlət Musiqili Teatrının rəhbərliyindən ona heç bir zəng edilməyib:
“Durum yalandan deyim ki, teatrdan zəng ediblər, düz olmaz. Heç olmasa ötən illərdə İlham Namiq Kamal, Nazim Hacıəlibəyov gəlmişdi. Amma bu rəhbərlik səviyyəsində olmur. 80 illiyində isə teatr rəhbərliyi də qəbirüstünə gəlmişdi”.
Qeyd edək ki, 1947-ci ildə orta məktəbi bitirəndən sonra onu Azərbaycan Dövlət Akademik Dram Teatrı nəzdindəki aktyor studiyasına gətirib çıxarıb. Orada sənət korifeylərindən dərslər alıb - nəzəri və təcrübi vərdişlər teatra marağını və məhəbbətini daha da artırıb və 1950-ci ildə Lənkəran Dövlət Dram Teatrında ilk müstəqil yaradıcılıq fəaliyyətinə başlayıb.
1953-cü ildə Azərbaycan Dəmiryol Məktəbini bitirib, bir müddət Biləcəri deposunda maşinist köməkçisi işləyib.
1959-1960-cı illərdə Daxili İşlər Nazirliyinin klubuna rəhbərlik edib.
1960-cı ildə C.Cabbarlı adına Gəncə Dövlət Dram Teatrının aktyor truppasına qəbul olunub. Bu kollektivdə Fuad ("Almas"), Şahsuvar ("Komsomol poeması"), Rəşid ("Anacan") kimi müxtəlif səpkili rollar oynayıb.
1962-ci ildə Musiqili Komediya Teatrına dəvət olunub. Burada fəaliyyət göstərdiyi 26 il ərzində yaratdığı 50-dən çox surətin onun gülüş ustası kimi püxtələşməyində və populyar olmağında böyük təsiri olub. Üzeyir Hacıbəyovun "Arşın mal alan"ında Soltan bəy, "O olmasın, bu olsun"da Məşədi İbad, Ü.Hacıbəyovun "50 yaşında cavan"ında Orduxan, S.Ələsgərovun "Həmişəxanım"ında Cəbi Cüməzadə, "Haradasan, ay subaylıq"da Novruzəli, Ə.Abbasovun "Həyətim mənim-həyatım mənim"ində Qulam, E.Sabitoğlunun "Hicran"ında Mitoş, "Nəğməli Könül"də Fərzəli, V.Adıgözəlovun "Nənəmin şahlıq quşu"nda Cəsarət, S.Hacıbəyovun "Qızılgül"ündə Nadir, A.Məşədibəyovun "Toy kimindir?"ində Uzun, E.Sabitoğlu, T.Vəliyevanın "Bankir Adaxlı", "Sizinlə gülə-gülə", "Bildirçinin bəyliyi", "92 dəqiqə gülüş" trilogiyasında Sonqulu, "Məhəbbət oyunu"nda Nuruş, "On min dollarlıq keyf"də Fərzəli kimi tamaşaçıların dərin rəğbətini qazanmış rollarla milli mədəniyyətimizin inkişafına xidmət edib.
Teatrla yanaşı, kino sahəsində də fəaliyyəti uğurlu olub. "Ulduz"da Möhsün, "Mehman"da Arif, "Onun bəlalı sevgisi"ndə Qaraxalov, "Alma-almaya bənzər"də Məmmədəli, "Şirbalanın məhəbbəti"ndə Şirbala rolları kino həvəskarları tərəfindən maraqla qarşılanıb.
1974-cü ildə Respublikanın əməkdar artisti, 1982-ci ildə Azərbaycanın xalq artisti" fəxri adlarına layiq görülüb.
1989-cu ildən 1996-cı ilədək yaratdığı "Tənqid-təbliğ" teatrının direktoru və bədii rəhbəri vəzifələrində çalışıb. 1996-cı ildən Ş.Qurbanov adına Azərbaycan Dövlət Musiqili Komediya Teatrının direktoru, bədii rəhbəri və aktyoru olub. 2001-ci ildə E.Sabitoğlu, T.Vəliyevanın "Bankir adaxlı" tamaşasına görə "Qızıl Dərviş" mükafatına layiq görülüb.
Sənətkar 2006-cı il oktyabr ayının 10-da dünyasını dəyişib. H.Bağırovun sonuncu evlilikdən bir qızı qalıb.
ANN.Az
Telegram
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol