Afaq Məsud yeni vəzifəyə təyinatından danışdı - AÇIQLAMA

Prezident İlham Əliyevin sərəncamı ilə Nazirlər Kabineti yanında Tərcümə Mərkəzinin direktoru təyin edilən Afaq Məsud (Vəliyeva) ilk açıqlamasını AzNews.az-a verib.“Azərbaycan ədəbiyyatının inkişafı və onun dünyada təbliği çox vacib məsələdir”- deyən Vəliyeva mərkəzlə bağlı gələcək planlarından danışıb. Onun sözlərinə görə, tərcümə mərkəzi gənc peşəkarlara daha çox üstünlük verəcək: “Mənim bu mərkəzə direktor təyin olunmağım prezident tərəfindən böyük etimaddır. İnanıram ki, bu işi qurmağı bacaracağıq. Çalışacağıq Azərbaycan ədəbiyyat baxımından beynəlxalq müstəvidə yüksək səviyyədə təmsil olunsun. Gələcək planlarımıza gəlincə, əsasən gənclərlə işləməyi nəzərdə tuturuq. Gənclərin tərcümə mərkəzinə cəlb edilməsi müsabiqələr yola ilə olacaq. Tərcümənin sferası o qədər genişdir ki, düşünürəm biz xeyli gənci bu fəaliyyətə cəlb edə biləcəyik. Yetər ki peşəkar olsunlar, öz üzərlərində işləsinlər və dili gözəl bilsinlər. Bizm üçün önəmli şərt budur”.Afaq Məsud bildirib ki, sərəncam onun üçün gözlənilməz olub: “Neçə illərdir biz bu məsələni qaldırırdıq. İndiyə kimi mərkəz ancaq bədii ədəbiyyatın tərcüməsiylə məşğul olurdu. Dəfələrlə bu barədə məsələ qaldırmışam, müsahibə vermişəm. Çox şükür ki, cənab prezident mənim qaldırdığım məsələylə bağlı sərəncam verdi və bizim üçün bu şəraiti yaratdı”.ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















