VII Beynəlxalq Rostropoviç Festivalı keçiriləcək

Mayın 12-dən 18-dək Heydər Əliyev Fondu, Mstislav Rostropoviç Fondu və Mədəniyyət və Turizm Nazirliyinin təşkilatçılığı ilə Bakıda VII Beynəlxalq Rostropoviç Festivalı keçiriləcək.Mədəniyyət və Turizm Nazirliyindən ANS PRESS-ə verilən məlumatına görə, festivalda xarici ölkələrdən dünya şöhrətli musiqiçilər və kollektivlər - Sankt-Peterburq Akademik Simfonik Orkestri, Monte-Karlo Simfonik Orkestri, Qalina Vişnevskaya Opera Mərkəzinin solistləri, Yuri Temirkanov, Gintaras Rinkyaviçus, Boris Berezovski, Denis Kojuxin, Sergey Doqadin iştirak edəcəklər. Xatırladaq ki, əvəzolunmaz violenç ifaçısı və dirijor Mstislav Rostropoviç 1927-ci il mart ayının 27-i Bakıda anadan olub, 2007-ci ilin aprel ayının 27-i isə Moskvada vəfat edib. Musiqiçi olmaqla bərabər, ictimai xadim, insan hüquq və azadlıqlarının fəal müdafiəçisi kimi də tanınırdı. XX əsrin ən dahi violenç ifaçılarından biri sayılır. Dahi həmyerlimiz bir neçə ali mükafatlara, o cümlədədn Böyük Britaniya İmperiyasının 2-ci dərəcəli Cəngavər Ordeninə layiq görülmüşdür.//Anspress
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















