• $
  • €
  • ₽
  • ₺
  • £

Bakı səhnəsində əbədi sevgi himni - FOTOLAR

Bakı səhnəsində əbədi sevgi himni - FOTOLAR
22.04.2014 12:52
Rüstəm QasımovSevgi - ehtiras, harmoniya, kədər, ayrılıq və ... Allahın insanlara bəxş etdiyi bu kimi duyğuları çox sadalamaq olar. Amma Azərbaycan Dövlət Akademik Opera və Balet Teatrında səhnələşdirilmiş "Leyli və Məcnun" tamaşası hətta ölümdən sonra da diri qalacaq, parlaq bir duyğu kimi sönməz olacaq əbədi sevginin mövcudluğunun bariz nümunəsidir.Bu günlərdə səhnələşdirilən baletin əsas rollarını Azərbaycanın xalq artistləri Kamilla Hüseynova (Leyli) və Gülağası Mirzoyev (Qeys-Məcnun), həmçinin Fərid İbrahimov (İbn-Salam) ifa edirdilər. "İfa edirdilər" - bu söz bəlkə də mənim gördüklərimi o qədər də düzgün təsvir eləmir. Onlar ifa etmirdilər, əbədi məhəbbət nağılını yaşayırdılar, o duyğunun alovunda qovrulurdular. Orkestrə dirijorluq edən beynəlxalq müsabiqələrin laureatı, Azərbaycan Dövlət Akademik Opera və Balet Teatrının dirijoru Eyyub Quliyev isə tamaşa boyu səslənən musiqinin tənzimləyicisi, baletə xüsusi ab-hava qatan şəxs idi.Şərqdə eşq mövzusu həmişə "Leyli və Məcnun"la assosiasiya olunub, bu barədə filosof Nizami Gəncəvi, Füzuli və başqa böyük mütəfəkkirlər yazıblar. Ona görə də təəccüblü deyil ki, böyük Azərbaycan bəstəkarı Qara Qarayevin biraktlı baleti şəhər sakinlərinin və paytaxt qonaqlarının arasında məşhurdur. Bu sənət ocağının qapısını tez-tez açan şəxs kimi müşahidə etmişəm ki, buranın öz daimi tamaşaçısı var. Onlar heç bir tamaşanı buraxmırlar - istər balet olsun, istərsə də möhtəşəm premyera. Buraya müxtəlif yaşdan, peşədən və maraq dairəsi müxtəlif olan insanlar yığılırlar. Çünki onları birləşdirən bir dəyər var - incəsənətə sevgi.Müşahidə etdiyim nüanslardan biri də odur ki, teatr işçiləri hər bir qonağa qarşı həmişə çox mehriban və diqqətlidirlər. Sözsüz, bu, çox sevindirici haldır. Və teatrda hökm sürən atmosferin özü sizi sanki yenidən və yenidən bura gəlməyə səsləyir.Tamaşanın süjetinə qayıdaq. Varlı nəsildən olan Leylinin kasıb Qeysə olan dəlicəsinə sevgisi haqqında hekayə. Aşiqlər onların birlikdə olmasına imkan verməyən saysız-hesabsız maneələrin öhdəsindən gəlməli olurlar. Buna görə də, hətta ölümdən sonra da onların arasında sevgi sönmür və əbədi hissə çevrilir. Nəticədə sevgidən ağlını itirmiş Qeys Leylinin axtarışına düşür, səhraları dolaşır. Hətta ölümdən sonra da onun ruhu dinclik tapmır və səyyahların gözünə ilğım şəklində görsənir."Leyli və Məcnun" baleti növbəti dəfə göstərdi ki, gözəllik məhz Şərqdən gəlir. Axı qadını pəriyə bənzədən parlaq kostyumlar heyranlıq doğurur və tamaşanın əsas iştirakçılarının cəld hərəkətləri səhnəyə zəriflik çalarları qatır.İşıq sönür və gözəl şərq melodiyası səslənir, rəqqaslar çıxır və tamaşa başlayır. Tamaşaçıların diqqəti səhnəyə "qandallanıb", onlar ovsunlanıblarmış kimi səhnədə rəqs edən qəhrəmanların hər bir hərəkətini izləyir, nəyisə gözdən qaçırmaq istəmirlər.Musiqi əsas personajların və onların həyatında baş verənlərin əhval-ruhiyyəsini əks etdirirdi. Gah ucalan, gah harayasa yox olan, gah da yenidən peyda olan səda... Baş qəhrəmanların həyəcanları zamanı musiqi aydın səmada şimşəyə və ya nəzərə çarpmayacaq qədər dalğalanan zərif hamar suya bənzəyir.Rəqqasların parlaq makiyajı, mimika və jestlər səhnədə baş verənlərə canlılıq əlavə edirdi. Elə təəssürat formalaşırdı ki, artistlər öz şəxsi talelərini səhnədə yaşayırlar. Yəni, kənardan bu qədər ahəngdar görünürdü.Baş qəhrəmanlar olan Leylinin (Kamilla Huseynova), Məcnunun (Gülağası Mirzoyev) və İbn-Salamın  (Fəridə İbrahimova) təsirli ifası uzun müddət bütün zaldakıların alqışlamasına, emosional reaksiyasına səbəb olurdu. Gurultulu alqışlar "Əhsən" hayqırtıları ilə müşayiət olunurdu. Hisslər, ehtiras, harmoniya, hərəkətlərin uyğunluğu və səhnədə əla qarşılıqlı münasibət tamaşaçıları laqeyd qoymur, onlar artistlərə gül hədiyyə edir, uğurlar diləyirdilər."Leyli və Məcnun" baleti teatra toplanmış bütün tamaşaçılarda yaxşı təəssüratlar buraxdı və bir daha əbədi sevginin mövcudluğunu xatırlatdı.ANNET.Az
Youtube
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol