Görkəmli sənətkarın 85 illiyi qeyd ediləcək

Aprelin 26-da Azərbaycan Dövlət Akademik Opera və Balet Teatrında görkəmli italyan bəstəkarı Cüzeppe Verdinin “Aida” operasının tamaşası nümayiş olunacaq.
Teatrın mətbuat xidmətindən ANNET.Az-a bildiriblər ki, tamaşa görkəmli müğənni, SSRİ Xalq Artisti Lütfiyar İmanovun 85 illiyinə həsr edilib. Unudulmaz sənətkar uzun illər teatrın səhnəsində bu operada aparıcı partiyalardan birini - Radamesı ifa edib.
Dünya opera sənətinin ən populyar əsərlərindən biri olan bu tamaşada əsas rolları teatrın gənc solistləri Çinarə Şirin (Aida), Əməkdar Artist Səbinə Vahabzadə (Amneris), Anton Ferştandt (Ramfis) və başqaları canlandıracaqlar. Tamaşada azərbaycanlı vokal ustaları ilə yanaşı, Gürcüstandan dəvət edilmiş solistlər – Gürcüstanın Xalq Artisti, professor Teymuraz Ququşvili və Əməkdar Artist, Vokalçıların Bülbül adına II Beynəlxalq Müsabiqəsinin laureatı Sulxan Qvelesiani da çıxış edəcəklər.
Bu səhnə əsərini Azərbaycanın Xalq Artisti, professor Cavanşir Cəfərov idarə edəcək.
ANNET.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















