• $
  • €
  • ₽
  • ₺
  • £

Yazıçılar Birliyində yeni kitab təqdim edildi - FOTO

Yazıçılar Birliyində yeni kitab təqdim edildi - FOTO
03.04.2014 12:50
Aprelin 2-də Azərbaycan Yazıçılar Birliyinin Natəvan klubunda şair Hacı Arif Buzovnalının yeni kitabının təqdimatı keçirildi. Şairin “Seçilmiş əsərlər” adı ilə çap edilmiş kitabına bu günə kimi dərc edilən kitablarından seçmələr və yeni şeirləri daxil edilmişdir. Tədbirin aparıcısı, “Ulduz” jurnalının tərcümə seksiyasının rəhbəri, yazıçı, ssenarist İlqar Fəhmi şairin yaradıcılığı haqqında geniş məlumat verərək bu günə qədər beş kitabının nəşr olunduğunu və bu kitabların oxucular tərəfindən rəğbətlə qarşılandığını bildirdi.  Həmçinin bildirdi ki, müasir dövrdə klassik janrda yazan şairlər sırasında Arif Buzovnalı əruz vəzninin qorunub inkişaf etdirilməsində öz xidmətləri var. Məhz elə buna görə də bu gün şair öz həyatını bütünlüklə klassik ədəbiyyatın inkişafına həsr edib. Sonra söz tədbir iştirakçılarına verildi. Natiqlər şairin təkcə klassik deyil, müxtəlif janrda yazdığı şeirləri müasir gənclər üçün nümunə olduğunu vurğuladılar. Əruzun müxtəlif bəhrlərində şeir nümunələri yaradan şairin yaradıcılığını yüksək qiymətləndirən ədəbiyyat nümayəndələri müasir günümüzdə bu sahədə yazanlar sırasında Arif Buzovnalının yaratdığı nümunələrin əvəzsiz xəzinə olduğunu qeyd etdilər. Bakı İslam Universitetinin Sumqayıt şöbə müdiri Mirəziz Seyidzadə, Azərbaycan Milli Elmlər Akademiyası M.Füzuli adına Əlyazmalar İnstitutunun elmi işçisi Qiymət Məhərrəmli, şair Azər Buzovnalı təqdim edilən kitabla bağlı fikirlərini söylədilər, şairin yaradıcılığı haqqında yüksək fikirlər söylədilər. Bildirildi ki, Azərbaycan klassik şeir növündə bu gün çox az sayda yazanlar sırasında şairin öz dəsti-xətti. Öz yolu var. Böyük Füzuli və Əliağa Vahid məktəbindən bəhrələnən yazar bu gün onların yolunu layiqli şəkildə davam etdirir. Əruz vəznində, təmiz ana dilimizdə yazdığı şeirlər təkcə böyüklər tərəfindən deyil , məktəblilərin də dilində əzbərdir. Tədbirdə çıxış edən şairin  Qarabağ döyüşlərində birlikdə çiyin-çiyinə vuruşduğu döyüş dostları onun təvazökar bir insan olduğunu, heç zaman bu haqda danışmadığını, lakin neçə cətin bir döyüş yolu keçdiyini vurğuladılar. Bu gün şairin vətən haqqında qələmə aldığı şeirlərdə bu nisgilin, ağrının səmimiliyinin məhz bu döyüşlərdə yaşanan hisslərdən qələmə süzüldüyünü bildirdilər. Tədbirdə iştirak edən Azərbaycan Rəssamlar İttifaqının üzvləri adından çıxış edən Xanlar Əhmədov, “Yug” teatrının əməkdaşları şairi yeni kitabının ərsəyə gəlməsi münasibətilə təbrik etdilər. Bildirildi ki, yazıçının qələmə aldığı şeirlərdə xalqın milli-mənəvi dəyərləri, vətənpərvərlik və əxlaq məsələləri diqqəti cəlb edir. Tədbirdə gənc rejissorlar və məktəblilər şairin şeirlərindən nümunələr səsləndirdilər. “Qarabağdan məktub” şeiri xüsusi alqışlarla qarşılandı. Sonda çıxış edən Hacı Arif Buzovnalı kitabın “Ozan” nəşriyyatında çap olunduğunu bildirdi. Tədbirin təşkilatçılarına, Yazıçılar Birliyinə və qonaqlara öz təşəkkürünü bildirdi. Lalə Azəri

Kult.Az

Youtube
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol