Azərbaycan filmi Kann festivalında

Gənclərin çəkdiyi “Zərdüşt belə dedi” filmi Kann festivalında nümayiş olunacaq. Kulis.Az-a bu barədə məlumatı filmin aktyoru Orxan Ata verib. "Zərdüşt belə dedi"nin çəkiliş qrupu may ayında Kann festivalı çərçivəsində Kann şəhərində olacaq. Film festivalın “Short Film Corner”inə seçilib. "Zərdüşt belə dedi" filminin rejissoru Ayxan Tan, ssenaristlər İlham Əkbər və Musa Əfəndi, prodüsseri Azad Heydərov, aktyorlar isə Arzuman Mirzəsoy, Orxan Ata və Eltaj Zeynalovdu. Çəkilişlər Qaxda və Bakıda həyata keçirilib.Filmin posterini Tural Əlisoy hazırlayıb. İngilis dilinə tərcüməsi prosesində Cavid Ağa və İlahə Əkbər iştirak ediblər. "Zərdüşt belə dedi"nin sinopsisi belədir: Orxan, qardaşını axtarır. Dostu ilə birlikdə qardaşının axtarışına çıxan Orxan Zərdüştdən xəbər tutur və son şansını yoxlayır. Hadisələr Orxan-Zərdüşt-qardaş üçbucağında keçən simvollarla dolu hekayələrdən ibarətdir.Orxan Ata bildirir ki, xəbəri bu gün səhər email vasitəsilə alıblar: “Azad, mən və Ayxan Amsterdamdayıq. “T of Generation” adlı sənədli trilogiyamızın üçüncü və son hissəsini çəkirik. Film günümüzün anderqraund (tanınmayan) sənətçiləri haqqındadır. İkinci seriyanı Bakıda çəkmişik.”ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















