• $
  • €
  • ₽
  • ₺
  • £

Bişkekdə Xalq Yazıçısı Anarla görüş

Bişkekdə Xalq Yazıçısı Anarla görüş
05.03.2014 22:01
Azərbaycanın Qırğızıstandakı səfirliyi və bu ölkənin Mədəniyyət, İnformasiya və Turizm Nazirliyi Bişkekin A.Maldıbayev adına Milli Opera və Balet Teatrında Azərbaycan Yazıçılar Birliyinin sədri, Xalq Yazıçısı Anar ilə görüş təşkil etmişlər.Görüşdə Azərbaycanın Yazıçılar Birliyinin katibləri, Xalq Şairi Fikrət Qoca və Rəşad Məcid, Qırğızıstanın şair və yazıçıları, elm, mədəniyyət və incəsənət xadimləri, Azərbaycan diasporunun nümayəndələri, jurnalistlər iştirak etmişlər.Azərbaycanın Qırğızıstandakı səfiri Hidayət Orucov mərasim iştirakçılarını salamlamış, Anarın yubileyinin qardaş Qırğızıstanda keçirilməsini ölkələrimizin mədəni həyatında mühüm hadisə adlandırmışdır. Səfir Anarın ancaq Azərbaycanda deyil, Müstəqil Dövlətlər Birliyi, Avropa ölkələrində və Türkiyədə yaxşı tanındığını bildirmiş, onu yazıçı, dramaturq, publisist, tərcüməçi, rejissor kimi göstərdiyi fəaliyyətinə nəzər salmışdır. Bildirilmişdir ki, Anar Azərbaycanın Xalq Şairləri Rəsul Rza və Nigar Rəfibəylinin ailəsində dünyaya gəlmiş. Onların yaratdıqları ədəbi mühitdən bəhrələnmiş, qırğız xalqının böyük oğlu Çingiz Aytmatovla yaxın dostluq əlaqələri saxlamış, 2008-ci ildə Çingiz Aytmatov Bakıda olarkən onunla müxtəlif görüşlər keçirilmişdir. Nəzərə çatdırılmışdır ki, Azərbaycan Prezidenti İlham Əliyev böyük qırğız yazıçısını “Dostluq” ordeni ilə təltif etmişdir.Diplomat ötən ilin sonunda Bakıda Çingiz Aytmatovun 85 illiyinin yüksək səviyyədə qeyd olunduğunu da diqqətə çatdırmışdır.H.Orucov demişdir ki, Anar bu yaxınlarda yeni təsis edilən Türkdilli Dövlətlərin Yazıçılar İttifaqının birinci sədri seçilmişdir və bu istiqamətdə də səmərəli fəaliyyət göstərəcəyi şübhə doğurmur.Qırğızıstan mədəniyyət və turizm nazirinin birinci müavini Akimbek Tekeşov ölkələrimiz arasında mədəni sahədə əlaqələrin indiki səviyyəsi haqqında məlumat vermiş, Anarın Qırğızıstanda da yaxşı tanındığını bildirmişdir. O Anarın kino yaradıcılığından bəhs etmiş, 12 filmin ssenarisini yazdığını, 3 filmin isə rejissoru olduğunu qeyd etmişdir.Qırğızıstanın Xalq Yazıçısı Mar Bayjanov Anarla dostluğundan söhbət açmış, onu türk dünyasının ən yaxşı yazıçılarından biri olduğunu bəyan etmişdir.Fikrət Qoca, Rəşad Məcid Anarın yaradıcılığının məziyyətlərindən danışmışlar.Yubilyar çıxış edərək belə gözəl bir tədbirin keçirilməsi üçün Qırğızıstan tərəfinə və səfirliyimizə minnətdarlıq etmiş, yaradıcılıq planlarından danışmış, bundan sonra da ədəbi sahədə türk dünyasının daha da yaxınlaşması üçün var qüvvəsi ilə çalışacağını demişdir.Sonra yazıçıya qırğız milli geyimi bağışlanmışdır.Mərasimin bədii hissəsində Azərbaycanın xalq artistləri Möhlət Müslümov (tar), Fəxrəddin Dadaşov (kamança) və tanınmış xanəndə, Xalq Artisti Mələkxanım Əyyubova, həmçinin Qırğızıstanda yaşayan müğənni Şahmar Tapdıqov muğam, xalq və bəstəkar mahnılarını ifa etmiş, onların ifaları alqışlarla qarşılanmışdır.Yubiley tədbirində Qırğızıstan incəsənət ustalarının ifaları da yer almışdır.ANN.Az
Twitter
Keçid et
Oxşar xəbərlər
Oxşar xəbərlər
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar
Teatra nadir hallarda gedirlər, amma mədəniyyət barədə qərar verirlər - xalq artisti
Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti
Sədr: Turistlər Azərbaycan muzeylərinin qarşısında növbəyə dayanmalıdır
Mədəniyyət 16:06
Sədr: Turistlər Azərbaycan muzeylərinin qarşısında növbəyə dayanmalıdır
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib
Mədəni irsin qorunması Azərbaycana əlavə gəlir gətirə bilər - təklif
Mədəniyyət 12:37
Mədəni irsin qorunması Azərbaycana əlavə gəlir gətirə bilər - təklif
Aktyor Aslan Fətullayev vəfat edib
Mədəniyyət 16:00
Aktyor Aslan Fətullayev vəfat edib
Call It qrupu ilk solo konsert proqramı ilə səhnəyə çıxacaq
Mədəniyyət 10:23
Call It qrupu ilk solo konsert proqramı ilə səhnəyə çıxacaq
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər
Mehriban Əliyeva "Zikra: xatirələr gecəsi" tamaşasını izləyib
Mədəniyyət 22:35
Mehriban Əliyeva "Zikra: xatirələr gecəsi" tamaşasını izləyib
Anews TV

Rəsmi Youtube kanalımız

Abunə ol