Budapeştdə Qara Qarayevin 95 illiyi qeyd olundu

Azərbaycan Respublikasının Macarıstandakı səfirliyinin təşəbbüsü ilə zəmanəmizin böyük bəstəkarı, müasir Azərbaycan musiqi məktəbinin yaradıcılarından biri Qara Qarayevin anadan olmasının 95 illik yubileyi Budapeştdə qeyd olunmuşdur.Bu münasibətlə Macarıstan paytaxtının mərkəzindəki “Duna Palota” sarayında “Dunay” simfonik orkestrinin ifasında Qara Qarayevin əsərlərindən ibarət “Memory” adlı konsert proqramı təşkil edilmişdir.Konsertin əvvəlində çıxış edən macar musiqişünası Tamaş Varhegi Azərbaycan və dünya musiqi sənətində Qara Qarayevin yerindən və rolundan, onun zamanı qabaqlayan simfonik musiqisinin xüsusiyyətlərindən, XX əsr musiqi sənətinə gətirdiyi yeniliklərdən bəhs etmişdir.Macar dirijoru Andraş Deakın rəhbərliyi altında “Dunay” simfonik orkestri bəstəkarın “Yeddi gözəl” və “İldırımlı yollarla” baletlərindən parçalar ifa etmişdir. İki hissədən ibarət konsertdə, həmçinin macar bəstəkarı İştvan Boqaşın və dahi alman bəstəkarı Lüdviq Van Bethovenin əsərləri səslənmişdir.Böyük uğurla keçən konsertdə Budapeşt musiqi ictimaiyyətinin nümayəndələri və diplomatik korpusun təmsilçiləri də iştirak etmişlər.ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















