Erməni yazıçı azərbaycanlı xanəndəyə poema həsr etdi

Erməni yazıçı Lyubik Çibuxçyan azərbaycanlı xanəndə Elnarə Abdullayevaya poema həsr edib.ANN.Az-ın BBC-yə istinadən xəbərinə görə, erməni yazıçının növbəti kitabı “Elnarə” adlanır. Bu 173 səhifəlik mənzum əsərini yazar Azərbaycan müğənnisi Elnarə Abdullayevaya ithaf edib.Lyubik Çibuxçyanın “Elnarə” kitabı iki həftə bundan əvvəl çapdan çıxıb. Yazıçı kitabı rus və erməni dillərinə tərcümə etdirmək istəyir.Çibuxçyanın bundan əvvəl çap olunmuş 156 kitabları arasında onlarla qəsidələri Alfred Nobelə, Birinci Pyotra, Mahmud Əhmədinejada və başqa tanınmış və böyük insanlara həsr olunub.Və nəhayət şairi daha bir kitab yazmağa Elnarə Abdullayeva ruhlandırıb.Lyubik Çibuxçyan deyib ki, ilk dəfə Elnarəni Azərbaycan televiziyası ilə yayımlanan konsertdə görüb: ““Bir klip göstərirdilər. Cavan qadın bülbül haqqında oxuyurdu. Sabahısı gün iş yoldaşıma dedim, internetdə tapdı, bir neçə mahnısını dinlədim, çox xoşuma gəldi”.Çibuxçyan hətta Elnarənin Facebook ünvanına məktub yazıb, amma deyir ki, cavab almayıb: “- Yazmışam ki, Elnarə can, gözəl səsin var, Allah sənə yar olsun, sənin kimi məharətli, bülbül səsli qız yetirən istedadlı xalqa təşəkkürümü bildirmişəm”.Çibuxçyan kitabı rus və Azərbaycan dillərinə tərcümə etdirmək istəyir: “Qoy Minsk Qrupuna, səfirliklərə, ölkə başçılarına paylansın”.Kitabda gözəlliyə qəsidə, eşq-məhəbbət, dünya-kainat, təbiət ətrafında mücərrəd fəlsəfi mülahizələrlə yanaşı, erməni-azərbaycanlı ixtilafına dair ötəri eyhamlar da nəzərə çarpır: “Yazmışam ki, Elnarə can, Qarabağ haqqında oxuyursan, mənim Qarabağım deyirsəm, sənin olsun – kim deyir ki, sənin deyil? – gəl sənətinlə, tar-kamanla Qarabağı al. Qoy kamança avtomat olsun, qaval da minaatan".Qeyd edək ki, 63 yaşlı Lyubik Çibuxçyan Tavuş vilayət icra başçısının müşaviri vəzifəsində çalışır.Məsələ ilə bağlı Lent.az-ın əməkdaşı müğənni ilə əlaqə saxlayıb. O isə bu işdən məmnun olmadığını söyləyib: “Hə. Çəkilişə gedirdim, elə indi eşitdim. Eşidən kimi də pis oldum. Allah vurmuşdu erməniləri. Erməni kimdi ki, mənə də poema yaza? Başlarına dəysin poemaları. Elə belə də yazın. Daha bütün vasitələr qurtarıb, keçiblər bu yola?”ANN.Az
Oxşar xəbərlər
Oxşar xəbərlər

Mədəniyyət 16:50
Firəngiz Əlizadə: Gənc bəstəkarlar iş tapa bilmədikləri üçün yanıma gəlib ağlayırlar

Mədəniyyət 16:15
Teatra nadir hallarda gedirlər, amma mədəniyyət barədə qərar verirlər - xalq artisti

Mədəniyyət 15:49
Anar Rzayev Tərcümə Mərkəzinin büdcəsinin Yazıçılar Birliyinə qaytarılmasını istəyib

Mədəniyyət 22:34
Mehriban Əliyeva və ailə üzvləri dünyaşöhrətli skripkaçı Devid Qarrettin simfonik şousunu izləyiblər




















